ចុងឃ្នៀសតំបន់ទេសចរណ៍លើទឹកល្បីនាទឹកដីអង្គរ

2014-12-29 17:05:09
ចំនួនមតិ 0 | ចំនួនចែករំលែក 0

ចន្លោះមិនឃើញ

សម្រាប់ទេសចរដែលធ្វើដំណើរទៅលេងទឹកដីអង្គរ ចុងឃ្នៀសគឺជាតំបន់ទេសចរណ៍លើទឹកដ៏ល្បីមួយដែលមិនគួរមើលរំលងក្នុងចំណោមតំបន់ទេសចរណ៍ជាច្រើនទៀត។ ធ្វើដំណើរពីទីរួមខេត្តសៀមរាបតាមបណ្ដោយផ្លូវលេខ ៦៣ កាត់តំបន់ទេសចរណ៍ភ្នំក្រោមលើចម្ងាយផ្លូវប្រហែល ១២ គីឡូម៉ែត្រអ្នកនឹងទៅដល់ភូមិចុងឃ្នៀសដែលជាលំនៅឋានរបស់ប្រជានេសាទភូមិអណ្ដែតទឹក។ ការធ្វើដំណើរអាចចំណាយពេលប្រហែល ២០ នាទី ទៅកន្លះម៉ោង។

ពេលទៅដល់ អ្នកនឹងឃើញស្ថានីយចេញដំណើរសម្រាប់ទេសចរដែលចង់ទិញសំបុត្រជិះកាណូតបន្តទៅផ្ដិតយកទិដ្ឋភាពជីវភាពរស់នៅនៃអ្នកភូមិអណ្ដែតទឹក។ ចំណាយពេលបន្តចេញពីស្ថានីយចេញដំណើរលើទូកម៉ាស៊ីនកាត់ព្រៃលិចទឹកអមសងខាងផ្លូវទឹក អ្នកនឹងទៅដល់ភូមិចុងឃ្នៀសក្នុងបឹងទន្លេសាបដ៏ល្វឹងល្វើយដូចមហាសាគរ។ អ្វីដែលអ្នកនឹងឃើញនៅទីនោះ គ្មានអ្វីក្រៅពីជីវភាពរស់នៅដោយការនេសាទរបស់ប្រជានេសាទ ភោជនីយដ្ឋានលើទឹក សាលារៀន បែរចិញ្ចឹមត្រីនិងក្រពើ វិហារ និងកន្លែងលក់វត្ថុអនុស្សាវរីយ៍ឡើយ។

(រូបភាពពី Trip Advisor)

វុត្ថា អ្នកបើកទូកវ័យ ២០ ឆ្នាំក្រាស់រៀបរាប់ឲ្យ Sabay ដឹងថា ៨០ ទៅ ៩០ ភាគរយនៃអ្នករស់នៅទីនោះប្រកបរបរនេសាទ។ ក្រៅពីនោះ អ្នកខ្លះប្រកបអាជីវកម្មធុនតូចដូចជាលក់ភេសជ្ជៈ របស់របរប្រើប្រាស់ប្រចាំថ្ងៃ និងបន្លែផ្លែឈើជាដើម។ បុរសសម្បុរស្រអែមបន្តថា សម្រាប់អ្នកលក់បន្លែត្រូវទិញពីដីគោកដែលនៅជិតនោះ មួយឬពីរថ្ងៃម្ដងដើម្បីផ្គត់ផ្គង់តម្រូវការ។

ចង់ដឹងថា ថាភូមិបណ្ដែតទឹកមានទិដ្ឋភាពបែបណា សូមរីករាយនឹងរូបភាពទាំងស្រុងដូចខាងក្រោម៖