Samsung អាចចេញ Galaxy S6 Edge គែមអេក្រង់កោងសងខាង
- 2015-01-20 16:32:41
- ចំនួនមតិ 0 | ចំនួនចែករំលែក 0
Samsung អាចចេញ Galaxy S6 Edge គែមអេក្រង់កោងសងខាង
ចន្លោះមិនឃើញ
Samsung ទំនងជាកំពុងសំងំផលិត Galaxy S6 មួយម៉ូដែលទៀតដែលមានអេក្រង់កោងទាំងសងខាងស្រដៀងគ្នាទៅនឹង Note Edge។
បើតាមសារព័ត៌មាន SamMobile បានឱ្យដឹងថា ក្រៅពី Galaxy S6 ក្រុមហ៊ុន Samsung កំពុងតែផលិតសែស្រឡាយ S6 ដដែលមួយម៉ូដែលទៀតមានអេក្រង់កោងទាំងសងខាង ហើយមានឈ្មោះក្រៅផ្លូវការថា Galaxy S6 Edge។ S6 Edge ដែលមានអេក្រង់កោងផ្នែកគែមទាំងសងខាងនេះ ផ្ដល់ភាពងាយស្រួលដល់អ្នកប្រើប្រាស់ក្នុងការបញ្ជា ដោយប្រើដៃទាំងសងខាង (ដៃឆ្វេងនិងដៃស្តាំ)។
លើសពីនេះ S6 Edge នឹងបំពាក់ដោយមុខងារពិសេស Glance Light ដែលអាចបញ្ចេញពន្លឺនៅលើផ្នែកគែមនៃអេក្រង់ណាមួយ (ឬទាំងពីរក្នុងពេលតែមួយ) ពេលមានអ្នក Call ចូល។ មួយវិញទៀត Glance Light ក៏អាចឱ្យអ្នកប្រើប្រាស់ដាក់ពណ៌ផ្សេងៗគ្នាទៅលើ Contact មួយចំនួន ដើម្បីងាយចំណាំ ពេលមានអ្នក Call ចូល (ផ្នែកគែមទូរសព្ទនឹងចេញពណ៌ទៅតាម Contact ផ្សេងៗគ្នាពេលមានអ្នក Call ចូល)។
ប្រភពដដែលបន្ថែមថា S6 Edge ក៏នឹងប្រើផ្ទាំង System មួយចំនួន (News and Sports, Yahoo! Finance, Contacts...) ដូចគ្នាទៅនឹង Note Edge ដែល Samsung ធ្លាប់បានផលិតកន្លងមកដែរ។
ទាំងអស់នេះគ្រាន់តែជាព័ត៌មានក្រៅផ្លូវការមួយដែល SamMobile បានបង្ហើបឲ្យដឹង តែពុំបានបញ្ជាក់នោះទេថា តើ Samsung នឹងប្រកាស S6 Edge ដំណាលគ្នានឹង S6 ដែរឬយ៉ាងណា៕
អានព័ត៌មានជុំវិញ Galaxy S6 ចុចត្រង់នេះ...
ប្រភព៖ ប៉ែត ផាន់និត ប្រភព៖ sammobile