សន្និសីទស្ដីពីការឈ្នះពាន MATIC 2015 របស់កម្ពុជានឹងធ្វើថ្ងៃព្រឹកស្អែកនេះ

2015-01-22 00:01:49
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅព្រឹកស្អែកនេះ វេលាម៉ោង ៩ ព្រឹក សហព័ន្ធកីឡាអេឡិចត្រូនិកកម្ពុជា (EFC) នឹងរៀបចំសន្និសីទសារព័ត៌មានមួយស្ដីពីជ័យជម្នះរបស់ក្រុមកីឡា E-Sports កម្ពុជានៅលើឆាកប្រកួតកីឡាអេឡិចត្រូនិកនៅឯប្រទេសចិនកន្លងទៅនេះ ដែលនឹងធ្វើឡើងនៅទីស្នាក់ការគណៈកម្មាធិការជាតិអូឡាំពិកកម្ពុជា។

សន្និសីទស្អែកនេះ មិនត្រឹមតែអនុញ្ញាតឲ្យក្រុមអ្នកសារព័ត៌មានចូលរួមនោះទេ សម្រាប់ប្រិយមិត្តដែលនិយមគាំទ្រកីឡាអេឡិចត្រូនិកក៏អាចចូលរួមបានដែរ។

កាលពីថ្ងៃទី ១៦ ខែមករា ឆ្នាំ ២០១៥ សហព័ន្ធកីឡាអេឡិចត្រូនិកកម្ពុជា (EFC)បានបញ្ជូនកីឡាករអេឡិចត្រូនិករបស់ខ្លួនចំនួន៣ក្រុមរួមមាន Secret, NeverCare និង MD ដែលក្នុង មួយក្រុមមានសមាជិក៥រូបទៅចូលរួមប្រកួតក្នុងព្រឹត្តិការណ៍កីឡាអេឡិចត្រូនិកអន្តរជាតិ MATIC 2015 (Mission Against Terror International Championships)លើកទី៤នៅប្រទេសចិន ពីថ្ងៃទី១៧-១៨ ខែមករា ជាមួយ ១៧ ក្រុមផ្សេងទៀតមកពី ៦ ប្រទេសផ្សេងគ្នា។ ជាលទ្ធផលក្រុមកម្ពុជា Secret ទទួលបានចំណាត់ថ្នាក់ជើងឯក ខណៈក្រុម MD ទទួលបានចំណាត់ថ្នាក់លេខ ៣ ឯសមាជិកក្រុម NeverCare លាង ចាន់រស្មីទទួលបានចំណាត់ថ្នាក់លេខ ១ លើវិញ្ញាសាឯកត្តជន៕

ចុចទីនេះ ដើម្បីតាមដានព័ត៌មាន MATIC 2015៕

អត្ថបទ៖ ភីឆាយ