ពានទ្វីបអាហ្វ្រិករកឃើញ៤ក្រុមចុងក្រោយហើយ
- 2015-02-02 15:30:14
- ចំនួនមតិ 0 | ចំនួនចែករំលែក 0
ពានទ្វីបអាហ្វ្រិករកឃើញ៤ក្រុមចុងក្រោយហើយ
ចន្លោះមិនឃើញ
ពានរង្វាន់បាល់ទាត់ទ្វីបអាហ្រ្វិក ឬ Africa Cup of Nations ឆ្នាំ២០១៥ បានរកឃើញ៤ក្រុមដែលឡើងទៅវគ្គពាក់កណ្ដាលផ្ដាច់ព្រ័ត្រហើយក្រោយការប្រកួតបញ្ចប់វគ្គ៨ក្រុមចុងក្រោយយប់មិញនេះ។
កាលពីយប់ម្សិលមិញ ក្រុមម្ចាស់ផ្ទះ Equatorial Guinea បានយកឈ្នះទុយណេស៊ី ទាំងចម្រូងចម្រាស ២-១ ក្រោយម៉ោងបន្ថែម១៥នាទី២ដង ខណៈក្រុមសាធារណរដ្ឋប្រជាធិបតេយ្យកុងហ្គោ (DR Congo) បានយកឈ្នះក្រុមកុងហ្គោ (Congo) ៤-១។ ចំណែក២គូកាលពីយប់មិញវិញ ក្រុមហ្គាណា បានយកឈ្នះហ្គីណេ ផុយៗ ៣-០ រីឯកូឌីវ័រ ក៏បានយកឈ្នះអាល់ហ្សេរី ទាំងមិនសូវពិបាកដែរ ក្នុងលទ្ធផល ៣-១។
ការប្រកួតវគ្គពាក់កណ្ដាលផ្ដាច់ព្រ័ត្រ នឹងធ្វើឡើង២ថ្ងៃ ដែលក្នុងនោះក្រុមសាធារណរដ្ឋប្រជាធិបតេយ្យកុងហ្គោ ប៉ះកូឌីវ័រ ថ្ងៃទី៤ ខែកុម្ភៈ ឯ ហ្គាណា ប៉ះម្ចាស់ផ្ទះ Equatorial Guinea នាថ្ងៃបន្ទាប់៕
កីឡាករក្រុមហ្គាណា អបអរក្រោយស៊ុតបញ្ចូលទីហ្គីណេយប់មិញ
Bony (រូបលើ) និង Gervinho (រូបក្រោម) អបអរក្រោយស៊ុតបញ្ចូលទីឲ្យកូឌីវ័រ ឈ្នះអាល់ហ្សេរី
ដោយ៖ សុខ សុវត្ថិ