ណាហ្គាវើល លេងសុទ្ធតែសែនជ្រូកខ្វៃអីចឹង បានស៊ីបឹងកេត ៣-០ យ៉ាងផុយ
- 2015-02-02 22:06:13
- ចំនួនមតិ 0 | ចំនួនចែករំលែក 0
ណាហ្គាវើល លេងសុទ្ធតែសែនជ្រូកខ្វៃអីចឹង បានស៊ីបឹងកេត ៣-០ យ៉ាងផុយ
ចន្លោះមិនឃើញ
សមាជិកនៃក្រុមបាល់ទាត់ណាហ្គវើល ដឹកនាំដោយលោកគ្រូបង្វឹក មាស ចាន់ណា បានរៀបចំសែនជ្រូកខ្វៃ ដល់ម្ចាស់ទឹកម្ចាស់ដីដែលថែរក្សាកីឡដ្ឋានខេត្តស្វាយរៀង ក្រោយក្រុមរបស់ខ្លួនយកឈ្នះលើកក្រុមបឹងកេតអង្គរ ដោយលទ្ធផល ៣ – ០ យ៉ាងងាយនៅវគ្គជម្រុះ ៨ ក្រុមចុងក្រោយ ក្នុងពានរង្វាន់ Hun Sen Cup កាលពីរសៀលថ្ងៃទី ១ កុម្ភៈ ម្សិលមិញ។
ក្រុមណាហ្គាត្រូវបន្តឡើងទៅប្រកួតវគ្គពាក់កណ្ដាលផ្ដាច់ព្រ័ត្រ ដោយជួបក្រុមជើងឯកឆ្នាំចាស់ អគ្គស្នងការដ្ឋាននគរបាលជាតិ នៅថ្ងៃទី ១១ កុម្ភៈ ខាងមុខ លើវាលស្មៅកីឡដ្ឋានខេត្តជាប់ព្រំដែនកម្ពុជា-វៀតណាម មួយនេះ។
អប្បិយជំនឿនៅតែស្ថិតក្នុងការប្រណិប័តន៍របស់ប្រជាជនខ្មែរនៅឡើយ ខណៈភាគច្រើននៃក្រុមបាល់ទាត់នៅកម្ពុជា តែងតែរៀបចំពិធីសែនព្រេននេះឡើង ក្រោយខ្លួនប្រើបច្ចេកទេសប្រកួតឈ្នះក្រុមខ្លាំង ឬ ដណ្ដើមបានពានរង្វាន់ណាមួយ នៅលើទីលានដែលប្រកួតឈ្នះនោះ។