តួអង្គ​ឯក​ដ៏​ល្បី​ក្នុង​រឿង Pirate of the Caribbean ឈ្មោះ Jack Sparrow នឹង​បង្ហាញ​ខ្លួន​ចូល​ធ្វើ​សង្គ្រាម​ក្នុង​សេវា​កម្សាន្ត​បាញ់​ប្រហារ​គ្នា​បែប Third-Person Shooting ដែល​ជា​ស៊េរី​ E-Sports ទំនើប​ចុងក្រោយ​បំផុត​សម្រាប់​សម័យ​បច្ចុប្បន្ន ដោយ​ប្រើ​យុទ្ធសាស្ត្រ​កងទ័ព​ធ្វើ​សង្គ្រាម​ដូច​ក្នុង​ពិភព​ពិតៗ និង​ជា​លំដាប់​​អន្តរជាតិ​ មាន​ភាព​ល្បី​រន្ទឺ​យ៉ាង​ខ្លាំង​​នៅ​សហរដ្ឋអាមេរិក​ និង​តំបន់​អឺរ៉ុប រួម​ទាំង​តំបន់​អាស៊ី​នៅ​ចាប់​ពី​ថ្ងៃ​នេះ​ហើយ។

អាន៖ Mummy សេរ៊ី​ថ្មី​ពេល​សល់ ១​ស្មើ ខ្មាន់​កាំភ្លើង​នឹង​ក្លាយ​ជា HERO

ដូចគ្នា​ទៅ​នឹង​សកម្មភាព​ក្នុង​ខ្សែភាពយន្ត​រឿង Pirate of the Caribbean សម្រាប់​ការ​បង្ហាញ​វត្តមាន​ក្នុង​សេវា​កម្សាន្ត FireStorm តួអង្គ Jack Sparrow ដែល​ស្ថិត​ក្រោម​ការ​បញ្ជា​របស់​អ្នក​កម្សាន្ត​ដែល​បាន​ប្រើប្រាស់​សំលៀក​បំពាក់​ឈុត​ថ្មី Pirate Trek នឹង​ប្រយុទ្ធ​គ្នា​នៅ​ក្នុង​សមរភូមិ​ប្រយុទ្ធ​លើ​ឆ្នេរខ្សាច់ Sand Island Crisis ដែល​ជា​កោះ​កម្សាន្ត​ដ៏​មាន​ប្រជាប្រិយភាព និង​ទទួល​បាន​ការ​ចាប់​អារម្មណ៍​យ៉ាង​ខ្លាំង​ពី​សំណាក់​ភ្ញៀវ​ទេសចរ។

បន្ថែម​ពី​សមរភូមិ​ប្រយុទ្ធ និង​ឈុត​សំលៀកបំពាក់ Pirate ថ្មី សព្វាវុធ​ប្រយុទ្ធ​ថ្មីៗ​ក៏​នឹង​បង្ហាញ​វត្តមាន​នៅ​ក្នុង Version ថ្មី​នេះ​។ T.50 Laticrete គឺជា​ប្រភេទ​កាំភ្លើង​ខ្លី​ដែល​មាន​កម្លាំង​ខ្លាំង និង​មិន​រ៉េ​ខ្លាំង​ពេល​ប្រើប្រាស់ ហើយ​កាំភ្លើង​នេះ​ស័ក្ដិសម​បំផុត​សម្រាប់​ធ្វើ​សង្គ្រាម​ក្នុង​វគ្គ PVP។ M67 Assault Grenade គឺ​ជា​ប្រភេទ​គ្រាប់បែក​ដែល​បាន​បន្ថែម​កម្លាំង​ផ្ទុះ​បង្ក​របួស​ដល់​សត្រូវ​កាន់​តែ​ធ្ងន់​ពេល​គប់​ត្រូវ​សត្រូវ​មនុស្ស​យន្ត​ក្នុង​វគ្គ Final Defense និង​សត្វ​ដាយណូស័រ​ក្នុង​វគ្គ Prehistoric War។

ចំណែក AUGA2-ZK គឺជា​ប្រភេទ​កាំភ្លើង Assault ដែល​មាន​កម្លាំង​ខ្លាំង​មិន​ចាញ់​ប្រភេទ​កាំភ្លើង Assault មុនៗ ហើយ​ចំណុច​ពិសេស​របស់​កាំភ្លើង​នេះ​គឺ​បាន​បន្ថែម​កម្លាំង​ទ្វេដង​ពេល​ប្រយុទ្ធ​ជាមួយ​ពពួក​ក្រុម​បិសាច Zombie ក្នុង​វគ្គ PVE។ Jack Sparrow មាន​សមត្ថភាព​ខ្លាំង​ប៉ុណ្ណា​ទេ? តោះ! Log In ម៉ោ! ចូល​ប្រយុទ្ធ​ជាមួយ Jack Sparrow ទាំងអស់​គ្នា៕

អត្ថបទ៖ ភីឆាយ