Mummy សេរ៊ីថ្មីពេលសល់ ១ស្មើ ខ្មាន់កាំភ្លើងនឹងក្លាយជា HERO

2015-01-10 19:03:11
ចំនួនមតិ 0 | ចំនួនចែករំលែក 0

ចន្លោះមិនឃើញ

កាន់តែប្លែក កាន់តែជក់ចិត្តជាថ្មីម្ដងទៀតជាមួយវគ្គប្រយុទ្ធ Mummy! ប្លែកពីវគ្គប្រយុទ្ធ Mummy មុនៗ ដែលខ្មាន់កាំភ្លើងប្រយុទ្ធគ្រប់រូបតែងតែប្រើកាំភ្លើងដើម្បីបាញ់សម្លាប់កម្ទេច Mummy និងទទួលនូវជ័យជម្នះ សម្រាប់ Mummy សេរ៊ីថ្មីនេះវិញ ខ្មាន់កាំភ្លើងដែលមានជីវិតរស់នៅក្រោយគេបំផុតនឹងប្រែរូបទៅជា Human Hero ប្រយុទ្ធមួយអង្គ ដែលមានកម្លាំងអនុភាពខ្លាំងក្លា អាចសម្លាប់បិសាច Mummy តែមួយប៉ប្រិចភ្នែកប៉ុណ្ណោះ។

នៅពេលដែលខ្មាន់កាំភ្លើងបានក្លាយជា Human HERO ប្រិយមិត្តមិនអាចប្រើកាំភ្លើងទៀតឡើយ។ ផ្ទុយទៅវិញ Human HERO នឹងប្រើដាវទិព្វដែលមានកម្លាំងអនុភាពខ្លាំងគ្មានគូប្រៀបជំនួស ដែលអាចសម្លាប់បិសាច Mummy តូចៗត្រឹមតែមួយដាវប៉ុណ្ណោះ ខណៈបិសាច Mummy Hero អាចនឹងត្រូវ ២ ទៅ ៣ ដាវទើបបាត់បង់ជីវិត។

អាន៖ អគារ ១០១ ជាន់នៅតៃប៉ិកំពុងជួបវិបត្តិត្រូវចោរសម្រុកបង្កប់គ្រាប់បែក

ការប្រយុទ្ធគ្នារវាងបិសាច Mummy Hero និង Human Hero នេះនឹងធ្វើឡើងនៅក្នុងភូមិគ្រឹះបុរាណមួយខ្នង Saint Sophia ដែលមានទីធ្លាទូលាយ មានទាំងសួនច្បារ ប៉ុន្តែមានរបងក្រាស់ៗបាំងជាច្រើន ដែលអាចធ្វើឲ្យខ្មាន់កាំភ្លើងស្រួលលាក់ខ្លួនពីបិសាច Mummy ក៏ដូចជាពួនដើម្បីសម្លាប់បិសាច Mummy ផងដែរ។

មិនខុសពីវគ្គ Mummy មុនៗ ក្នុងការចូលកម្សាន្តនៅក្នុងវគ្គ Mummy ថ្មីនេះ ប្រិយមិត្តមិនអាចកំណត់ជ្រើសយកខាងខ្មាន់កាំភ្លើង ឬខាងបិសាច Mummy បានឡើយ ដោយត្រូវចាំ System ជាអ្នកកំណត់ឲ្យនៅពេលដែលវគ្គប្រយុទ្ធថ្មីនីមួយៗចាប់ផ្ដើម។

អាន៖ ទិដ្ឋភាពបើកឡានដេញបាញ់គ្នាដ៏គួរឲ្យរន្ធត់ជក់ចិត្តលើសមរភូមិ Death Race

តើប្រិយមិត្តគិតថាបិសាច Mummy Hero និង Human Hero មួយណាមានសមត្ថភាពប្រយុទ្ធខ្លាំងជាង? ចង់ដឹងច្បាស់ កុំភ្លេចចូលសាកល្បងទាំងអស់គ្នានៅសប្ដាហ៍ក្រោយណា៎!

អត្ថបទ៖ ភីឆាយ