ម្យ៉ាងដែរ!...ភឿន ស្រីពៅ ជំនួញជោគជ័យព្រោះចេះស្មូត!

2015-02-06 21:28:26
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីអាជីពជាអ្នកស្មូត កំពុងមានការទទួលស្គាល់ទៅហើយនោះ ភឿន ស្រីពៅ ហាក់កាន់តែជោគជ័យលើមុខរបរលក់សម្ភារៈបុណ្យផងដែរ សូម្បីបងប្អូនខ្មែរខ្លះរស់នៅក្រៅប្រទេសក៏ជាវពីទីនេះដែរ ។

អ្នកកាន់កម្មវិធីព្រះពុទ្ធសាសនារូបនេះ ឲ្យដឹងទៀតថា ហាងរបស់នាងយីហោ "ស្រីពៅស្មូត" ដែលមានទីតាំងនៅខាងកើតវត្តមហាមន្ត្រី កំពុងមានដំណើរការល្អ និង មានបុគ្គលិកប្រមាណ ១៥ នាក់ ដើម្បីបម្រើសេវាកម្មសម្រាប់អតិជន។ ជាមួយគ្នានោះ កញ្ញាក៏បានបង្ហើបពីផែនការពង្រីកសាខាទៀតផង និង កំពុងរង់ចាំពេលវេលាមកដល់ប៉ុណ្ណោះ។

ស្រីពៅ បានអះអាងថា មូលហេតុធ្វើឲ្យនាងហានបោះទុនប្រមាណ ៨ ម៉ឺន ដុល្លារ ប្រកបមុខរបរ ដែលនារីភាគច្រើនមើលរំលងដូច្នេះ ព្រោះតែមានទំនោរ និង ចិត្តជ្រះថ្លាក្នុងព្រះពុទ្ធសាសនា។ ម្យ៉ាងទៀត ដោយសារតែវត្ថុធាតុដើមអាចរកបាននៅក្នុងស្រុក មិនងាយខូចខាត ហើយពុទ្ធសាសនិកជនត្រូវការធ្វើបុណ្យទានទៀងទាត់ នៅតាមវត្តអារាមប្រមាណជាង ៥០០០ វត្តទូទាំងប្រទេស។

ទោះបីជាយ៉ាងណា ម្ចាស់ហាងខាងលើបានឲ្យដឹងទៀតថា លទ្ធផលបែបនេះ គឺជាផ្នែកមួយបានពីការគាំទ្ររូបនាងតាមរយៈសិល្បៈសូត្រ ក្នុងពិធីបុណ្យទាននានា និងការងារជាអ្នកកាន់កម្មវិធីព្រះពុទ្ធសាសនារបស់ CTN និង My TV ជាដើម។ ប្រការនេះធ្វើឲ្យមានការគាំទ្រយ៉ាងខ្លាំង ក្រោយដំណើរការបាន១ឆ្នាំនេះ។

ភឿន ស្រីពៅ និងក្រុមការងារ

ភឿន ស្រីពៅ មានវ័យ២៤ឆ្នាំប៉ុណ្ណោះ និង បានបញ្ចប់បរិញ្ញាបត្រជំនាញ ទំនាក់ទំនងការបរទេស នៃសាកលវិទ្យាល័យមួយ។ ចំណេះពីសាលាជាជំនួយបច្ចេកទេស សម្រាប់មុខរបររបស់នាងប៉ុណ្ណោះ នៅមុនការសម្រេចចិត្ត ក៏បានប្រឹក្សាយោបល់ពីអ្នកស្គាល់គ្នា ដែលមានបទពិសោធន៍មួយចំនួន។

តាមរយៈទំនាក់ទំនងល្អ កន្លងមកកញ្ញាធ្លាប់បានទៅស្មូតលើទឹកដីអាមេរិកចំនួន ៦ ដង និង ប្រទេសមួយចំនួនទៀត ដែលមានពលរដ្ឋខ្មែររស់នៅ រហូតមានលទ្ធភាពបើកហាងដូច្នេះ និង អាចចូលរួមសកម្មភាពមនុស្សធម៌មួយចំនួនក្នុងសង្គម៕

-ភឿន ស្រីពៅ យកអំណោយជួនចាស់ជរា