Pyongyang Touch ទូរសព្ទ iPhone របស់កូរ៉េខាងជើង

2014-10-05 21:42:19
ចំនួនមតិ 0 | ចំនួនចែករំលែក 0

ចន្លោះមិនឃើញ

iPhone 6 និង iPhone 6 Plus កំពុងចែកចាយនិងចរាចរលក់ពេញពិភពលោកខុសអីតែកូរ៉េខាងជើងមិនអើពើរ ឬភ្ញាក់ផ្អើលនឹងវត្តមានរបស់ Smartphone កំពូលនេះទេ។ ផ្ទុយទៅវិញ ប្រទេសនេះកំពុងផលិត Smartphone ផ្ទាល់ខ្លួនដែលមានរូបរាងស្រដៀងទៅនឹង iPhone ជំនាន់មុនដែលមានឈ្មោះថា Pyongyang Touch។

កាលពីឆ្នាំ ២០១៣ប្រទេសនេះធ្លាប់ប្រកាសឲ្យប្រើប្រាស់ Smartphone ដំបូងឈ្មោះ Arirang ប្រើប្រព័ន្ធប្រតិបត្តិសម្រួលតាម Android របស់Google។ ចំណែក Smartphone ថ្មីដែលប្រទេសកុម្មុយនិស្តនេះនឹងដាក់ឲ្យប្រើគឺរូបរាងប្រហាក់ប្រហែលទៅនឹង iPhone 3G របស់Apple ពីមុនដែរនោះគឺ Pyongyang Touch។

កាលពីធ្វើទស្សនកិច្ចទៅកាន់រោងចក្រផលិតទូរសព្ទ Arirang កាលពីឆ្នាំកន្លងទៅ មេដឹកនាំកូរ៉េខាងជើងលោក Kim Jung Un បានលើកសរសើរដល់កម្មករនៅក្នុងរោងចក្រពីគំនិតច្នៃប្រឌិត និងភាពជាតិនិយមរបស់ពួកគេ។ មេដឹកនាំរូបនេះក៏បានបង្ហាញមោទនភាពដែលប្រទេសដែលមានបច្ចេកវិទ្យាមិនសូវលូតលាស់ខ្លាំង អាចផលិត Smartphone បានដោយខ្លួនឯង។

ខុសពីការលើកឡើងរបស់ លោក Kim Jung Un ប្លុកជាភាសាជប៉ុនបានរាយការណ៍ថា ទូរសព្ទថ្មីដែលមានរូបរាងស្រដៀងទៅនឹង iPhone 3G នោះមិនមែនយកលំនាំតាម iPhone ទេ តែអាចជាទូរសព្ទនាំចូលពីចិនម៉ាក Uniscope ទៅវិញ។ គេមិនទាន់ច្បាស់ថា តើ Pyongyang Touch នឹងប្រើប្រព័ន្ធប្រតិបត្តការអ្វី និងមានលក្ខណៈសម្បត្តិបែបណាឲ្យប្រាកដនោះទេ ហើយក៏មិនច្បាស់ដែរថា តើវាចេញលក់សម្រាប់ប្រជាជនកូរ៉េខាងជើងទាំងមូល ឬសម្រាប់តែពពួកអភិជនក្នុងប្រទេសនេះប៉ុណ្ណោះ៕