Academy Square ពីសួនច្បារលំហែអារម្មណ៍ក្លាយជាសមរភូមិប្រយុទ្ធដ៏ក្ដៅគគុក

2015-02-20 15:30:12
ចំនួនមតិ 0 | ចំនួនចែករំលែក 0

ចន្លោះមិនឃើញ

សួនច្បារកម្សាន្តលំហែអារម្មណ៍ដ៏មានប្រជាប្រិយភាព និងទេសភាពស្រស់ដាច់គេប្រចាំតំបន់ក្នុងទីក្រុងទំនើបមួយ ដែលមានប្រជាជនជាច្រើនបានទៅសម្រាកលំហែអារម្មណ៍ និងធ្វើលំហាត់ប្រាណដើម្បីសុខភាពប្រចាំថ្ងៃបន្ទាប់ពីពួកគេទទួលបានការនឿយហត់ពីការងារ បានប្រែក្លាយទៅជាសមរភូមិប្រយុទ្ធដ៏ក្ដៅគគុកទៅវិញ បន្ទាប់ពីខ្មាន់កាំភ្លើងក្នុងសេវាកម្សាន្ត AK Online បានបង្ហាញវត្តមាន និងប្រយុទ្ធគ្នានៅសួនកម្សាន្តនោះ។

ខ្មាន់កាំភ្លើងដែលបានបោះជំហានឈានជើងចូលសួនកម្សាន្ត Academy Square ដែលជាសមរភូមិប្រយុទ្ធថ្មីក្នុងសេវាកម្សាន្ត AK Online នេះ នឹងត្រូវប្រឈមនឹងគ្រោះថ្នាក់ខ្លាំងជាងសមរភូមិប្រយុទ្ធដទៃទៀត ព្រោះក្នុងសមរភូមិប្រយុទ្ធដ៏ក្ដៅគគុកនេះ ខ្មាន់កាំភ្លើងមិនអាចចងមិត្តជាមួយនឹងនរណាម្នាក់បានឡើយ គឺមានតែសត្រូវប៉ុណ្ណោះ ហើយអ្នកកម្សាន្តត្រូវកម្ចាត់សត្រូវទាំងអស់ ដើម្បីទទួលបានអំណាចឲ្យអ្នកដទៃខ្លាច និងក្លាយជាជើងខ្លាំងប្រចាំសួនកម្សាន្ត Academy Square នោះ។

អាន៖ ងាយៗទទួលបានសម្ភារៈប្រើប្រាស់ល្អៗពី Intimate Rate

អមជាមួយនឹងការបន្ថែមផែនទីប្រយុទ្ធថ្មី នៅក្នុង Version ថ្មីដែលនឹងធ្វើការ Update ក្នុងពេលឆាប់ៗនេះ សេវាកម្សាន្ត AK Online ក៏បានបន្ថែមសព្វាវុធថ្មីប្រភេទ Melee គឺកាំបិតភ្លោះថៃជី Twins ដែលជាកាំបិតមានកម្លាំងក្បាច់គុនថៃជី និងមានអនុភាពខ្លាំងខុសពីអាវុធ Melee ដទៃទៀត ដោយនឹងបន្ថែមកម្លាំងជារៀងរាល់ពេលដែលប្រិយមិត្តបានកម្ចាត់សត្រូវ។

អ្វីដែលកាន់តែពិសេសជាងនេះទៅទៀតនោះគឺថា ការលាបពណ៌លើដងខ្លួនដ៏ពេញនិយមអំឡុងពេលព្រឹត្តិការណ៍បាល់ទាត់ពិភពលោក FIFA World Cup 2014 ក៏បានក្លាយជាឈុតសំលៀកបំពាក់ប្រយុទ្ធថ្មីនៅក្នុង Version នេះផងដែរ ដែលឈុតនេះមើលទៅគឺពិតជាស៊ិចស៊ី និងស៊ីអារម្មណ៍មែនទែនសម្រាប់តួអង្គប្រយុទ្ធថ្មី ខណៈតួអង្គប្រយុទ្ធប្រុស ពេលប្រើទៅគឺពិតជាសង្ហារសមជាវីរបុរសការពារស្រីស្អាត។

អត្ថបទ៖ ភីឆាយ