“ងប់នឹងប្រុស ខូចព្រហ្មចារី” ពាក្យស្លោកនៅវិទ្យាល័យមួយទទួលការចាប់អារម្មណ៍ផ្សេងៗគ្នា

2015-03-11 13:49:22
ចំនួនមតិ 0 | ចំនួនចែករំលែក 0

ចន្លោះមិនឃើញ

ចងភ្ជាប់នឹងដើមឈើ ក្នុងបរិវេណនៃវិទ្យាល័យប៊ុន រ៉ានី ហ៊ុន សែន ផ្សារដើមថ្កូវ ពាក្យស្លោកមួយដែលមានន័យថា “ងប់នឹងប្រុស ខូចព្រហ្មចារី” បានទទួលការចាប់អារម្មណ៍ផ្សេងៗគ្នាពីសាធារណៈ ជន ដែលបានឆ្លងកាត់ និងឃើញពាក្យទាំងនេះ។ អ្នកខ្លះយល់ថា ការប្រើប្រាស់ពាក្យពេជ្របែបនេះមិនសមរម្យឡើយ ឯមួយចំនួនទៀតគិតថា ពាក្យស្លោកនេះគឺជាពាក្យខ្មែរតាំងពីបរមបុរាណមក មានអត្ថន័យគ្រប់គ្រាន់ក្នុងការអប់រំដល់យុវជនជំនាន់ក្រោយមិនឱ្យភ្លើតភ្លើន ភ្លេចការរៀនសូត្រ។ ឆ្លើយបំភ្លឺទៅនឹងបញ្ហាខាងលើលោក ខាត ពែត នាយកវិទ្យាល័យប៊ុន រ៉ានី ហ៊ុន សែន ផ្សារដើមថ្កូវបានប្រាប់ Sabay ថា នេះគឺជាពាក្យស្លោកខ្មែរតាំងពីបុរាណមក មានអត្ថន័យអប់រំអប់រំទាំងអត្ថានុរូប និងអត្ថបដិរូប ក្នុងន័យអប់រំដល់យុវជនកុំឱ្យភ្លើតភ្លើន ភ្លេចការរៀនសូត្រ។ សាលាបានផ្សព្វផ្សាយពាក្យស្លោកប្រមាណ ៥០ ផ្ទាំង ក្នុងបរិវេណសាលា ដើម្បីឱ្យយុវជន យកពាក្យពេជ្រទាំងនេះធ្វើការត្រិះរិះពិចារណា និងមិននាំមកនូវបញ្ហាដល់ខ្លួនឯង និងសង្គម៕