សិស្សថ្នាក់ទី១០បង្កើតវិទ្យុបានជាង ៤០ប៉ុស្តិ៍ បង្កើតទូរសព្ទនិង ឧបករណ៍ជាច្រើនតែទាស់អត់បន្ទប់ឬឧបករណ៍ពិសោធន៍
- 2015-03-09 16:43:29
- ចំនួនមតិ 0 | ចំនួនចែករំលែក 0
សិស្សថ្នាក់ទី១០បង្កើតវិទ្យុបានជាង ៤០ប៉ុស្តិ៍ បង្កើតទូរសព្ទនិង ឧបករណ៍ជាច្រើនតែទាស់អត់បន្ទប់ឬឧបករណ៍ពិសោធន៍
ចន្លោះមិនឃើញ
"អ្នកវិទ្យាសាស្ត្រវ័យក្មេង" មួយក្រុមដែលមានគ្នា ១២នាក់ នៃវិទ្យាល័យហ៊ុន សែន វត្តស្វាយ ក្រុងសៀមរាបបង្កើតបានវិទ្យុជាង ៤០ ប៉ុស្តិ៍ បង្កើតបានទូរសព្ទប្រើខ្សែនិយាយទាក់ទងគ្នា ឧបករណ៍ពង្រីក ឧបករណ៍កែវយឺត ឧបករណ៍បំពងសំឡេង ពិល អំពូលភ្លើង និង ឧបករណ៍ជាច្រើនទៀត។ ស ហុកលី ប្រធានក្រុមអ្នកវិទ្យាសាស្ត្រាវ័យក្មេងបានរៀបរាប់ត្រួសៗថា "ខ្ញុំនិងក្រុមមានការតាំងចិត្តខ្ពស់ទម្រាំបានប៉ុណ្ណឹង”។ សិស្សថ្នាក់ទី១០រូបនេះបន្តទៀតថា ដំបូងឡើយក្រមមានគ្នារហូតដល់ ២១ នាក់កាលនៅរៀនថ្នាក់ទី៩ ប៉ុន្តែអ្នកខ្លះមិនមានឆន្ទៈគ្រប់គ្រាន់ក៏ជម្រុះនៅសល់ត្រឹម ១២ នាក់ប៉ុណ្ណេះនាពេលនេះ។ ទាំង១២នាក់នេះ គឺជ្រើសថ្មីខ្លះនិងចាស់ខ្លះក្នុងនោះអ្នកចាស់មួយចំនួនធំមិនជាប់នៅក្នុងក្រុមឡើយ។
ស ហុកលី ធ្វើតេស្ដនិយាយទូរសព្ទ
មុនដល់ដំណាក់កាលដែលបង្កើតវត្ថុនានាខាងលើ ក្រុមអ្នកវិទ្យាសាស្ត្រវ័យក្មេងមិនមានកន្លែងទេពោលពិសោធន៍នៅក្រោមផ្ទះ នៅវត្ត ឬ ទីវាលជាដើម។ ប៉ុន្តែរហូតដល់ខែធ្នូ ឆ្នាំ ២០១៤ ទើប លោកនាយក ព្រមទាំងនាយករងវិទ្យាល័យ ហ៊ុន សែន វត្តស្វាយបានប្រគល់ថ្នាក់រៀនមួយដាច់ដោយឡែកសម្រាប់ការពិសោធន៍នានា។ការតាំងចិត្តនៅមិនទាន់អស់នៅឡើយទេ ដោយ ហុកលី រួមទាំងសមាជិក ១១ នាក់ផ្សេងទៀតនឹងធ្វើតេស្តបង្កើតឧបករណ៍ថ្មីៗ ដូចជាទូរសព្ទអត់ខ្សែ ដែលកំពុងតែសិក្សា និងស្វែងរកអ្វីដែលជឿនលឿនដូចបច្ចុប្បន្ន។
ទាក់ទិនបញ្ហានេះអ្នកគ្រូ សុខ ហ៊ុច នាយិការងនៃវិទ្យាល័យ ហ៊ុន សែន វត្តស្វាយ បានលើកឡើងថា "ខ្ញុំគិត...បើយើងមានបន្ទប់ពិសោធន៍ ឬ ឧបករណ៍ពិសោធន៍ត្រឹមត្រូវ។ បច្ចុប្បន្ន យើងខ្ញុំបានប្រគល់ថ្នាក់រៀនមួយកាលចុងឆ្នាំ២០១៤ឲ្យអ្នកវិទ្យាសាស្ត្រវ័យក្មេងទាំងនេះពិសោធន៍ព្រោះយើងទើបដឹងសមត្ថភាពរបស់ពួកគេ ប៉ុន្តែមានតែថ្នាក់ អត់ឧបករណ៍"។ នាយិការងខាងលើសូមអំពាវនាវដល់សប្បុរសជន ជួយជាសម្ភារៈ ឬ ថវិកា ដើម្បីជ្រោងអ្នកវិទ្យាសាស្ត្រវ័យក្មេងទាំង១២នេះឲ្យកាន់តែមានការពិសោធន៍ច្បាស់លាស់។ មួយវិញ ទៀតដើម្បីឲ្យពួកគេក្លាយជាអ្នកវិទ្យាសាស្ត្រពិតៗ នាថ្ងៃអនាគតដ៏ខ្លីខាងមុខដើម្បីជាធនធានជួយអភិវឌ្ឍសង្គមព្រោះថាឥឡូវនេះពួកគេមានគំនិតច្នៃប្រឌិតច្រើនហើយ៕
ស ហុកលី កំពុងនែណាំដល់កូនក្រុម
អំពូលភ្លើង
ទូរសព្ទប្រើខ្សែ
ឧបករណ៍ពង្រីក
ពង្រីកស្លឹកឈើតូចមួយប៉ុន្តែដាក់ទៅពេញអេក្រង់ដូចរូបខាងលើ
សកម្មភាពធ្វើ
វិទ្យដែលអាចចាប់បានជាង ៤០ ប៉ុស្តិ៍
ក្រុមអ្នកវិទ្យាសាស្ត្រវ័យក្មេងទាំង ១២ (អាវស) និង នាយិការង សុខ ហ៊ុច នៅកណ្ដាល
ចុចអាន សិស្សនៅភ្នំពេញល្បីរឿងប្រើ ស្មាតហ្វូន ចុះសិស្សនៅវិទ្យាល័យ អង្គរវិញ?
ចុចអាន សិស្សឆ្នើមៗ ៣០នាក់ប្រចាំសៀមរាប ត្រៀមដណ្ដើមជយលាភីសិស្សពូកែទូទាំងប្រទេស
អត្ថបទ៖ ឆន ទិត្យ
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
