សាលាគំរូមួយនៅសៀមរាបដោះស្បែកជើងទុកមាត់ទ្វារមុនចូលរៀន

2015-03-03 17:52:57
ចំនួនមតិ 0 | ចំនួនចែករំលែក 0

ចន្លោះមិនឃើញ

ជាគំរូមួយក្នុងចំណោមសាលាចំណេះដឹងទូទៅទាំងឡាយ ថ្នាក់រៀនមួយចំនួននៃវិទ្យាល័យ ហ៊ុន សែន វត្តស្វាយ ស្ថិតនៅក្រុងសៀមរាប ខេត្តសៀមរាប សិស្សានុសិស្សស្ម័គ្រចិត្តដោះស្បែកជើងដាក់មុខថ្នាក់មុនចូលរៀន។ ជាក់ស្ដែងដូចនៅក្នុងរូបថតខាងក្រោមស្រាប់ សិស្សថ្នាក់ទី ១០ រៀនវេនព្រឹកបានដោះស្បែកជើងតម្រៀបគ្នាមុនចូលក្រេបយកចំណេះវិជ្ជាពីលោកគ្រូអ្នកគ្រូ។ ទាក់ទិននឹងសកម្មភាពគំរូនេះ អ្នកគ្រូ សុខ ហ៊ុច នាយិការងនៃវិទ្យាល័យខាងលើបានប្រាប់ថា "អូន ...មុនដំបូងយើងប្រាប់ក្មេងៗថា បើផ្ទះយើងមានក្រឡាការ៉ូបែបនេះយើងហ៊ានពាក់ស្បែកជើងចូលអត់។ យើងមិនពាក់ទេ ហើយ ទីនេះដូចគ្នា។ ដូច្នេះ សូមចាត់ទុកសាលារៀនដូចផ្ទះយើងផង”។ នាយិការងបន្តទៀតថាក្រោយការណែនាំខ្លះៗ បច្ចុប្បន្ននេះបានក្លាយជាទម្លាប់ទៅហើយ បន្ទាប់ពីកូនសិស្សបានយល់ពីតម្លៃនៃភាពស្អាតស្អំក្នុងថ្នាក់រៀន។ ផ្ទុយពីថ្នាក់រៀនដែលមានក្រឡាការ៉ូ កូនសិស្សអាចពាក់ស្បែកជើងចូលរៀនបានធម្មតា៕

ចុចអាន សិស្សនៅភ្នំពេញល្បីរឿងប្រើ ស្មាតហ្វូន ចុះសិស្សនៅវិទ្យាល័យ អង្គរវិញ?

ចុចអាន សិស្សឆ្នើមៗ ៣០នាក់ប្រចាំសៀមរាប ត្រៀមដណ្ដើមជយលាភីសិស្សពូកែទូទាំងប្រទេស