របៀប Backup រូបភាព ឬវីដេអូទៅកាន់ Cloud និង OneDrive ដោយស្វ័យប្រវត្តិ

2014-09-15 22:53:39
ចំនួនមតិ 0 | ចំនួនចែករំលែក 0

ចន្លោះមិនឃើញ

ការប្រើប្រាស់សេវាកម្ម Cloud Storage (ការរក្សាទិន្នន័យលើអនឡាញ) ជាផ្នែកដ៏សំខាន់ក្នុងការរក្សទុករូបភាព វីដេអូ និងទិន្នន័យផ្ទាល់ខ្លួនសម្រាប់បើកយកមកប្រើបានគ្រប់ទីកន្លែងដែលមានអ៊ីនធឺណិត។ ប្រសិនបើអ្នក Backup រូបភាព វីដេអូ ឬឯកសាររបស់អ្នកទៅក្នុង Cloud ហើយ មិនថា អ្នកលក់ទូរសព្ទទេ អ្នកនៅតែអាចទាញយកឯកសារទាំងនោះមកប្រើប្រាស់វិញបានធម្មតាដោយគ្រាន់តែ Log in ធម្មតាប៉ុណ្ណោះ។ ក្រោមនេះជារបៀបដ៏សាមញ្ញដើម្បីឱ្យអ្នកទាំងអស់គ្នាអាច Backup ឯកសារនៅលើ Cloud Storage និង OneDrive សម្រាប់ Smartphone ដែលប្រើប្រព័ន្ធប្រតិបត្តិការ Windows, Android និងiOS៖

១. សម្រាប់អ្នកប្រើ Windows Phone 8.1៖ គ្រាន់តែដំឡើង OneDrive លើ Windows Phone ឬមិនចាំបាច់ Download វាក៏បានពីព្រោះវាមាននៅលើម៉ូដែលនេះស្រាប់។ ដំបូងត្រូវភ្ជាប់ជាមួយ Wi-Fi រួចចូលទៅកាន់ Settings > Backup > photos + videos ។ អ្នកទាំងអស់គ្នាអាចកំណត់គុណភាពរូបថត និងវីដេអូបានទៀត។

២. សម្រាប់អ្នកប្រើពពួក Android៖ Google + អាចឱ្យអ្នកទាំងអស់គ្នាកំណត់ auto backup photos បានយ៉ាងងាយ ប៉ុន្តែកាន់តែប្រសើរទៀតនោះគឺទាញយកកម្មវិធី OneDrive App នៅលើ Android (សូមចុចត្រង់នេះដើម្បីទាញយក)។ បន្ទាប់មកដំឡើងវានិង Log In ដោយប្រើ Microsoft Account ពេលនោះវានឹងលោតផ្ទាំងមួយដូចខាងក្រោម ហើយចុចយកពាក្យ Turn On។

៣. សម្រាប់អ្នកប្រើ iPhone និង iPad៖ ជាទូទៅរូបភាព និងវីដេអូរបស់អ្នកប្រាកដជារក្សាទុកនៅលើ iCloud ជាមិនខាន។ OneDrive ក៏អាចទាញយកមកប្រើនៅលើ iOS បានដែរហើយចាប់ផ្ដើម Log In ដោយប្រើ Microsoft Account ។ អ្នកទាំងអស់គ្នាអាចជ្រើសរើស OneDrive ដោយស្វ័យប្រវត្តិនិងមានការបន្ថែម Storage 3GB ប៉ុន្តែទាល់តែភ្ជាប់Wi-Fi ទើបអាច Upload រូបថតឬវីដេអូបាន។