មាន​បទ​ពិសោធន៍​ក្នុង​ការ​ធ្វើ​​​​​​​​បដិសណ្ឋារកិច្ច​ ភេសជ្ជៈ ​និង Cocktail ​តាំង​ពី​​ឆ្នាំ​២០១០​មក Pablo's Coffee Catering Services ​តែង​ផ្ដល់​ជូន​​​អតិថិជន​​នូវ​សេវាកម្ម​ពិបាក​រក​គូ​ប្រៀប ​ក្នុង​​​​​​​កម្មវិធី​គ្រប់​ប្រភេទ​​​ទាំង​អស់ ​សម្រាប់​លោក​អ្នក​។ ​​

សេវា​កម្ម​របស់​ Pablo's ដែល​បម្រើ​​ជូន​​នូវ​ កាហ្វេ​ កាហ្វេ​​អេចប្រេសូ​ គុណភាព​​​កំពូល​​មក​ពីអ៉ីតាលី   ​រួម​នឹង​ ភេសជ្ជៈ​ពេញ​និយម​​​ជា​ច្រើន​មុខ​​ ទទួល​ការ​គាំទ្រ​​ពី​អតិថិជន​​​ជា​បន្តបន្ទាប់​​ តាមរយៈ​​​​​ ​ភាព​​​​អស់​​​​ទាស់​របស់​ខ្លួន​។ ​​​សូម្បី​តែ​មង្គលការ​អ្នក​ឧកញ៉ា​ គិត​ម៉េង ដែល​​​​​ត្របាញ់​ទាញ​​​ក្រសែ​​ភ្នែក​សាធារណ​ជន​​ និង​បណ្ដា​សារព័ត៌មាន​​ដូច​ភ្លៀង​រលឹម​កន្លង​ទៅ​ក្ដៅៗ​ ​​ក៏​​បើក​សិទ្ធិ​​ឲ្យ​​​​​ Pablo's ​បម្រើ​ភ្ញៀវ​ដ៏​អធិកអធម​​ ដោយ​រំលង​ចោល​​ក្រុមហ៊ុន​ផ្សេងៗ​​​ ដែល​​ល្បួង​ឱកាស​ខ្លាញ់​នោះ​ដែរ​​។

លោក អ៊ឹម ប្រណិតា ​អ្នក​គ្រប់​គ្រង​ទូទៅ​ថា Pablo's Coffee Catering Services តែង​ផ្ដល់​ជូន​នូវ​បដិសណ្ឋារកិច្ច​​ដ៏​គាប់​ចិត្ត​ ទៅ​ដល់​ភ្ញៀវ​​នៅ​គ្រប់​​កម្មវិធី​ដូច​ជា ជប់​លៀង មង្គលការ ប្រជុំ សិក្ខាសាលា​ បុណ្យទាន គឺ​គ្រប់​កម្មវិធី​ទាំង​អស់​។ ដូច្នេះ​បើ​រៀប​ចំ​កម្មវិធី​​ លោក​អ្នក​ពុំ​​បាច់​​​ខ្វល់​ចិត្ត​ថា​​ខ្លាច​បម្រើ​ភ្ញៀវ​មិន​ដិតដល់​ ឬ​ខ្វះ​ចន្លោះ​អី​នោះ​ទេ។ Pablo's ​នឹង​​​​បំពេញ​​មុខ​​ក្នុង​កម្មវិធី​លោក​​អ្នក​មិន​ឲ្យ​បារម្ភ ​ដោយ​ផ្ដល់​ជូន​ភ្ញៀវ​​ ​នូវ​ការ​បម្រើ​​ភេសជ្ជៈ​​មិន​ឲ្យ​ទើស​ចិត្ត​​។

ចំណុច​ពិសេស​របស់​​សេវា​បដិសណ្ឋារកិច្ច​ភេសជ្ជៈ​ Pablo's ​ដែល​ផ្ដល់​ទំនុក​ចិត្ត​ដល់​អតិថិជន​​រួម​មាន​

សេវាកម្ម​ប្រកប​ដោយ​ប្រសិទ្ធភាព៖ Pablo's ​ផ្ដល់​ជូន​នូវ​ការ​បម្រើ​ភេសជ្ជៈ​រហ័ស​​ទាន់​ចិត្ត​ ​និង​ ដិត​ដល់​បំផុត​។ «​​​ដូច​ថា​បើ​កម្មវិធី​អីមួយ​ ពេល​សម្រាក​ឬ​ចប់​​ភ្លាម​អីចឹង ភ្ញៀវ​នឹង​បុក​មក​​ច្រើន​ខ្លាំង។ អីចឹង​បើ​សេវាកម្ម​យើង​មិន​មាន​ ប្រសិទ្ធភាព​ អាហ្នឹង​​មិន​អាច​បម្រើ​ទាន់​ឬ​គ្រប់​​ភ្ញៀវ​ទេ ចន្លោះ​​ភ្ញៀវ​ខ្លះ​អត់​អី​ញ៉ាំ តែ Pablo's យើង​​ជំនាញ​ប្រសិទ្ធភាព​ខាង​ហ្នឹង​​ ភ្ញៀវ​យើង​​ច្រើន​យ៉ាង​​​ម៉េច​​ក៏​មិន​បារម្ភ​»។  គ្រប់​បុគ្គលិក​ទាំង​ផ្នែក សេវា​កម្ម និង Barista ​សុទ្ធ​​​តែ​​ឆ្លង​កាត់​​ការ​បណ្ដុះ​បណ្ដាល​ប្រកប​​ដោយ​​ជំនាញ គឺ​ដើម​ឡើយ​យើង​ជួល​អ្នក​ជំនាញ​ការ​អូស្ត្រាលី​​មក​បណ្ដុះ​បណ្ដាល»​​។ លោក ប្រណិតា ពន្យល់។

គុណភាព​៖  ការ​ហ្វេ ​Carraro លំដាប់​លេខ​១​មក​ពី​អ៉ី​តាលី ​ត្រូវ​បាន​បម្រើ​ជូន​​ភ្ញៀវ ​ធ្វើ​ឲ្យ​កាហ្វេ​​មាន​​​ក្លិន​ឈ្ងុយឆ្ងាញ់​ពិសេស​​។ ​​«​បុគ្គលិក​យើង​គាត់​មាន​ជំនាញ​ និង​បែង​ចែក​​ការងារ​ក្នុង​សង្វាក់​ផលិត​កម្ម ដូច​សង្វាក់​ផលិត​កម្ម​​រោង​ចក្រ​អីចឹង។ ដូច​​ថា​អ្នក​ដាក់​កាហ្វេ​ដាក់​កាហ្វេ ដាក់​ទឹក​កកដាក់​ទឹកកក អ្នក​​លើក​នេះ​ដឹង​តែ​លើក​នេះ អ្នក​លើក​នោះ​ដឹង​តែ​លើក​នោះ​ អ្នក​ណា​ធ្វើ​អី​​ធ្វើ​ហ្នឹង អីចឹង​គុណភាព​​​​កាហ្វេ​ ភេសជ្ជៈ​​​ មួយ​កែវ​ៗ​ គឺ​ដូច​គ្នា មិន​ធ្លាក់​គុណភាព​ឬ​រសជាតិ​ទេ​»។

អនាម័យ៖  Pablo's ​​គិត​គូ​មិន​រំលង​ឡើយ​ពី​កត្តា​អនាម័យ​ ​ដែល​ធ្វើ​​ឲ្យភ្ញៀវ​ទទួល​បាន​​​​នូវ​​ភេសជ្ជៈ​គួរ​ឲ្យ​ជឿជាក់​​ទាំង​ស្រុង​។ លោក ប្រណិតា ​ប្រាប់​ពី​​ការ​ធានា​របស់​​សេវា​កម្ម Pablo's៖  «​​ភ្ញៀវ​មុន​នឹង​សម្រេច​ថា​យក​យើង​ឬ​អត់​ យើង​អញ្ជើញ​គាត់​មក​ភ្លក់​ មក​សាក​​ឲ្យ​អស់​ចិត្ត​ដល់​​ហាង​របស់​យើង​តែ​ម្ដង ដើម្បី​​ឲ្យ​គាត់​មាន​ទំនុក​ចិត្ត​លើ​ផលិតផល​យើង​​»។

ក្រៅ​ពី​ចំណុច​ពិសេស​ៗ​ខាង​លើ Pablo's ​ក៏​ផ្ដោត​សំខាន់​​លើ​ការ​កែ​ច្នៃ​​​ទាំង​សម្ភារៈ​​ប្រើ​ប្រាស់​ក្នុង​ការ​ផ្គត់ផ្គង់​សេវាកម្ម​បម្រើ​ភេសជ្ជៈ​នេះ ដូច​ជា​រទេះ​​ផ្ទុក​សម្ភារៈ​ក៏​ងាយ​ស្រួល​​និង​ទាក់​ទាញ​​។ Pablo's ក៏​នឹង​ផ្ដោត​លើ​ការ​រចនា​កែ​ច្នៃ​គួរឲ្យ​ទាក់​ទាញ​បន្ត​ទៀត ដើម្បី​​បន្ត​ឈាន​មុខ​ផ្នែក​ផ្គត់​ផ្គង់​​​សេវា​បម្រើ ភេសជ្ជៈ និង Cocktail ​​​​គ្រប់​កម្មវិធី​របស់​អតិថិជន​។

លោក​​អ្នក​ដែល​ត្រូវ​ការ​សេវាកម្ម​ឥត​ខ្ចោះ​​ផ្នែក​បម្រើ​​​ ភេសជ្ជៈ និង Cocktail ក្នុង​កម្មវិធី​គ្រប់​​យ៉ាង​​ អាច​​ទាក់​ទង Pablo's ​ដែល​មាន​អាសយដ្ឋាន​​នៅ​ក្រោយ​ស្ថានីយ​ទូរសទ្សន៍​ប៉ុស្តិ៍​អប្សរា​ ផ្ទះ លេខ​៣៤០​AB ផ្លូវ​៣៧០ សង្កាត់​បឹង​កេងកង​១​ ឬ​ទូរសព្ទ​លេខ​​ ០៧៧ ៧២២ ៥៦៧។

នៅ​ហាង​របស់​​​ Pablo's ក៏​តុប​តែង​យ៉ាង​ទាក់ទាញ​​​ សម្រាប់​អតិថិជន​ ​យុវវ័យ​ ទៅ​អង្គុយ​ជជែក​ និង​ញ៉ាំ​កាហ្វេ​​គុណភាព​ល្អ ក្នុង​តម្លៃ​ប្រកួត​ប្រជែង​បំផុត​ ធៀប​ហាង​កាហ្វេ​​ទំនើប​លើ​ទីផ្សារ៕

អត្ថបទ៖ ប៉ែន សុផាន់ណា