ខៀវ សុខារ៉ាវី ទីផ្សារខ្ពស់ក្រោយវិលរកសិល្បៈវិញ

2015-04-02 17:36:31
ចំនួនមតិ 0 | ចំនួនចែករំលែក 0

ចន្លោះមិនឃើញ

ខៀវ សុខារ៉ាវី ប្រាប់ថាមមាញឹកខ្លាំងក្នុងការងារសិល្បៈ បន្ទាប់ពីបានវិលរកអាជីពនេះជាថ្មីអំឡុងចុងឆ្នាំ២០១៤កន្លងទៅ ដើម្បីប្រជែងប្រជាប្រិយភាពជាមួយតារាជំនាន់ក្រោយ។

“បើនិយាយទៅ មិនសូវបាននៅភ្នំពេញទេ ច្រើនទៅថតតាមបណ្ដាខេត្តឱ្យផលិតកម្មនានា"។ សុខារ៉ាវី បានប្រាប់Sabayមុននេះបន្តិច។ នាងបន្តថា សព្វថ្ងៃកំពុងថតជាតួឯកក្នុងភាគមួយ ដើម្បីចាក់ផ្សាយតាមទូរទស្សន៍ ប៉ុន្តែផលិតករមិនអនុញ្ញាតបង្ហើបជាសាធារណៈនៅឡើយ ដែលភាគច្រើនថតនៅតាមខេត្តនានា។

តារាស្រីកូន១រូបនេះបន្ថែមថា នៅក្រោយចូលឆ្នាំខាងមុខនេះ នាងត្រូវបានផលិតកម្មហៅថតភាពយន្តភាគចំនួន៣រឿងទៀត ក្នុងតំណែងជាតួឯក និងចាក់ផ្សាយលើកញ្ចក់ទូរទស្សន៍ដូចគ្នា។ ប៉ុន្តែយ៉ាងណា ពិធីការិនីកម្មវិធី"ពិភពស្ត្រី" របស់ទូរទស្សន៍ប៉ុស្តិ៍លេខ៥ខាងលើបញ្ជាក់ថា កំពុងស្ថិតនៅក្នុងការចរចាតម្លៃពលកម្ម និងពិនិត្យមើលកុងត្រាជាមុនសិន តើអាចសហការគ្នាបាន ឬយ៉ាងណា។

ក្នុងពេលជាមួយគ្នា តារាសម្ដែងរូបនេះបានអះអាងថា ការវិលរកសិល្បៈជាថ្មីរបស់នាងហាក់ទទួលបានការគាំទ្រគួរកត់សម្គាល់ ព្រោះគ្រប់ផលិតកម្មបានហៅទៅចូលរួមថតឱ្យពួកគេ។ ជាពិសេសក្នុងអាល់ប៊ុមចូលឆ្នាំរបស់ផលិតកម្មទាំងនោះ ស្របពេលបានកុងត្រាជាមួយស្ថានីយទូរទស្សន៍ថ្មីមួយសម្រាប់ការងារជាពិធីការិនីក្នុងកម្មវិធីកម្សាន្ត។ នាងបង្ហាញជំហរថា៖" អឺ!...ចូលមកវិញនេះ គ្មានគិតអ្វីក្រៅពីប្រឹងប្រែងសម្ដែងហ្នឹងឯង ដើម្បីស្ដារប្រជាប្រិយភាពឡើងវិញ"៕

អានអត្ថបទ៖ ទ្រី សក្កដា អ្នកនិពន្ធ Original Song ៖ ដោយសារការមើលងាយទើបខ្ញុំមានថ្ងៃនេះ

អានអត្ថបទ៖ ៧សន្លឹករបស់ ឈុនលី តារាសាច់ដុំខ្មែរបង្ហាញមុខញឹកលើទស្សនាវដ្ដីបរទេស