Yahoo នឹងកាត់បន្ថយបុគ្គលិកចំនួន៤០០នាក់នៅឥណ្ឌា

2014-10-08 22:59:23
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុនបច្ចេកវិទ្យាយក្សអាមេរិក Yahoo គ្រោងនឹងកាត់បន្ថយបុគ្គលិករាប់រយនាក់ចំពោះសាខានៅឥណ្ឌា។

អ្នកនាំពាក្យមួយរូបរបស់ក្រុមហ៊ុនYahooបានឲ្យដឹងថាក្រុមហ៊ុនយក្សមួយនេះនឹងធ្វើកំណែទម្រង់មួយចំនួនទៅលើរបៀបគ្រប់គ្រងរបស់ក្រុមហ៊ុនសាខានៅទីក្រុង Bangalore ប្រទេសឥណ្ឌាដោយ អាចនឹងត្រូវឲ្យខ្លួន(Yahoo)កាត់បន្ថយបុគ្គលិកប្រហែល៤០០នាក់។ ប៉ុន្តែទោះជាយ៉ាងណាYahoo ផ្ទាល់បានប្រាប់សារព័ត៌មាន BBCថា បុគ្គលិកភាគច្រើនក្នុងចំណោមបុគ្គលិកជាង១ពាន់នាក់ដែលធ្វើការនៅ Bangalore នឹងមិនរងការប៉ះពាល់នោះទេ។ ក្រុមហ៊ុននេះក៏បានឲ្យដឹងទៀតថាBangalore នៅតែជាទីស្នាក់ការដ៏សំខាន់មួយសម្រាប់Yahoo ជានិច្ច។

ចំពោះការកាត់បន្ថយបុគ្គលិកចំនួនប្រហែល៤០០នាក់គឺដើម្បីយកទៅចំណាយលើបុគ្គលិកដែលបម្រើការឲ្យYahoo នៅCalifornia សហរដ្ឋអាមេរិកដោយសារតែនៅទីនោះជាទីកន្លែងដែលអាចនឹងជួយឲ្យ Yahoo កើបប្រាក់បានរាប់លានដុល្លារចំពោះការវិនិយោគទៅលើកម្មវិធីផ្ញើសារតាមទូរសព្ទ Snapchat។

កាលពីខែមុនYahoo បានលក់ភាគហ៊ុនរបស់ខ្លួននៅក្នុងក្រុមហ៊ុនចិន Alibaba បានទឹកប្រាក់ចំនួន៨ពាន់លានដុល្លារដោយអះអាងថា ជាការជួយទ្រទ្រង់ដល់ការរីកចម្រើនរបស់ក្រុមហ៊ុន៕

ចុចអាន៖ Sony នឹងបំពាក់កម្មវិធី Dropbox ស្រេចលើ Xperia Z3

ប្រែសម្រួល៖ ប៉ែត ផាន់និត ប្រភព៖ bbc