កីឡាការិនីវាយកូនបាល់ខ្មែរ-បារាំងចាប់ដៃគូនឹងកីឡាការិនីអាមេរិកប្រកួតយ៉ាងឡូយ

2015-04-24 13:30:47
ចំនួនមតិ 0 | ចំនួនចែករំលែក 0

ចន្លោះមិនឃើញ

កីឡាការិនីវាយកូនបាល់ដ៏ស្រស់ស្អាតខ្មែរ-កាត់បារាំងកញ្ញា Andrea Ka បានចាប់ដៃគូនឹងកីឡាការិនីអាមេរិកដ៏ស្រស់សោភានាង Marina Nikolic សម្រាប់ការបង្ហាញខ្លួននៅព្រឹត្តិការណ៍ Dons Spotlight ខែមេសានេះដែលពួកគេទាំងពីរនាក់ជាក្រុមវាយកូនបាល់នារីលេខមួយប្រចាំនៅសាកលវិទ្យាល័យសាន់ហ្វ្រាន់សិស្កូ។

កីឡាការិនីកម្ពុជា Andrea Ka (រូបថត USF)

Andrea Ka បាននិយាយប្រាប់វិបសាយ USF ថា ៖«ខ្ញុំចង់ឲ្យមនុស្សម្នាចងចាំពួកយើងថាជាដៃគូដ៏ល្អបំផុត និងជាក្រុមល្អបំផុតនៅ USF»។ ចំណែកនាង Nikolic បាននិយាយថា ៖«ខ្ញុំស្រលាញ់កីឡាវាយកូនបាល់ ខ្ញុំពេញចិត្តការប្រកួតខាងមុខនេះដោយចាប់ដៃគូដ៏ល្អរបស់ខ្ញុំ»។

«យើងទាំងពីរពិតជាមានមហិច្ឆតាដើម្បីជ័យជម្នះខ្លាំងណាស់។ នៅពេលយើងចេញទៅទីនោះ ហើយយើងចាប់ផ្តើមប្រកួត យើងឈ្នះបាន១ពិន្ទុ យើងពិតជារីករាយណាស់។ យើងខំប្រឹងខ្លាំងណាស់សម្រាប់ការប្រកួតជាគូនេះ ហើយនឹងក្លាយជាក្រុមល្អមួយនៅWCC»។ កីឡាការីនីវាយកូនបាល់លេខ១កម្ពុជា Andrea Ka បានចេញពីទីក្រុងប៉ារីស ប្រទេសបារាំងទៅបន្តការសិក្សានៅសាកលវិទ្យាល័យសាន់ហ្វ្រាន់សិស្កូ សហរដ្ឋអាមេរិក។ នៅទីនេះកញ្ញាដែលមានសម្បុរស្រអែមស្រស់រូបនេះបានបន្តអាជីពកីឡាវាយកូនបាល់កម្ពុជា និងតំណាងឲ្យសាកលវិទ្យាល័យសម្រាប់ការប្រកួតពានវាយកូនបាល់សាកលវិទ្យាល័យនៅអាមេរិក។

ដាច់ខែឧសភាខាងមុខ កីឡាការិនីកម្ពុជារូបនេះនឹងវិលត្រឡប់មកប្រទេសកម្ពុជាដើម្បីចូលរួមជាក្រុមវាយកូនបាល់កម្ពុជាដើម្បីទៅប្រកួតនៅកីឡាស៊ីហ្គេម ក្នុងប្រទេសសិង្ហបុរី។ កាលពីព្រឹត្តិការណ៍កីឡាទ្វីបអាស៊ីនៅប្រទេសកូរ៉េ ឆ្នាំ២០១៤ កញ្ញាក៏បានមកជួយក្រុមវាយកូនបាល់កម្ពុជាដែរ ប៉ុន្តែមិនបានឈានទៅដល់វគ្គដណ្ដើមមេដាយឡើយ ទោះជាទទួលបានជ័យជម្នះខ្លះ៕

វីដេអូ