នារីម្នាក់រងការរិះគន់ព្រោះចង្កាស្រួចខ្លាំង តែនាងអះអាងថាជាសម្រស់ពីធម្មជាតិ

2015-04-25 15:57:15
ចំនួនមតិ 0 | ចំនួនចែករំលែក 0

ចន្លោះមិនឃើញ

នារីវ័យក្មេងម្នាក់ដែលមានទម្រង់មុខជាអក្សរ V ដោយមានចង្កាស្រួចមហាស្រួចបានធ្វើឱ្យមានការចាប់អារម្មណ៍ខ្លាំងលើបណ្ដាញសង្គមផ្សេងៗជុំវិញរូបថតដែលនាងបានបង្ហោះ។ នារីជនជាតិចិនរូបនេះ ត្រូវបានគេស្គាល់ថាឈ្មោះ Leopard ហើយបើពិនិត្យតាមរូបថតជាច្រើនរបស់នាង គេឃើញថាចង្ការបស់នាងមានទំហំតូចខ្លាំងណាស់ គឺមិនធំជាងគ្រាប់ភ្នែករបស់នាងផង។

អ្នកប្រើប្រាស់បណ្ដាញសង្គមជាច្រើនបានសង្ស័យនឹងសម្រស់ខុសប្រក្រតីរបស់នាង ហើយអ្នកខ្លះនិយាយថា នាងប្រាកដជាធ្លាប់ទៅវះកាត់កែសម្ផស្សខ្លះជាមិនខានទើបបានចង្កាស្រួចបែបនេះ។ ឯអ្នកមួយចំនួនទៀតបានរិះគន់ថា ដោយសារតែចង្ការបស់នាងបែបនេះ នាងមើលទៅមុខដូចមនុស្សភពផ្សេង។

ទោះយ៉ាងណា នាង Leopard បានមានះអះអាងថាសម្រស់របស់នាងគឺជាសម្រស់ពីធម្មជាតិសុទ្ធសាធ មិនបានកែសម្ផស្សដូចការគិតរបស់ពួកគេទេ។ នាងបានបង្ហោះរូបដែលគ្មានការតុបតែងមុខដើម្បីឱ្យអ្នកគ្រប់គ្នាបានឃើញថា មុខមាត់នាងកែឬក៏ធម្មជាតិ។ តាមរយៈរូបថតគ្មានគ្រឿងសម្អាងទាំងនោះ មិនបានបង្ហាញពីស្នាមនៃការវះកាត់កែសម្ផស្សអ្វីទេ។ ទោះយ៉ាងនេះក្ដី មនុស្សជាច្រើននៅតែមិនអស់ចិត្តថា វាមិនអាចទៅរួចដែលនាងអាចកើតមកមានទម្រង់មុខខុសគេបែបនេះ៕

សូមទស្សនារូបភាពនានារបស់នាង Leopard៖