សារឆ្លើយឆ្លងបង្ហាញថា Kim Hyun Joong វាយមិត្តស្រីទាល់តែរលូតកូន

2015-05-11 22:48:42
ចំនួនមតិ 0 | ចំនួនចែករំលែក 0

ចន្លោះមិនឃើញ

ប៉ុស្តិ៍ទូរទស្សន៍កូរ៉េ KBS ទើបបញ្ចេញសារឆ្លើយឆ្លងរវាងតារាចម្រៀង Kim Hyung Joong និងមិត្តស្រីកាលពីឆ្នាំទៅមិញ ដែលបញ្ជាក់ថា មិត្តស្រីរបស់គេត្រូវរលូតកូនដោយសារការប្រើហិង្សារបស់តារាប្រុសរូបនេះ។

បើតាមសេចក្ដីរាយការណ៍ Choi បានរលូតកូនរបស់នាងពីព្រោះតែអំពើហិង្សារបស់តួប្រុស F4 កូរ៉េរូបនេះ ប៉ុន្តែនាងមិនបាននិយាយពីរឿងនេះចេញមកក្រៅទេពីព្រោះនាងខ្មាសដែលមានទម្ងន់ និង រលូតដោយមិនបានរៀបការ។ កម្មវិធី Morning News Time របស់ប៉ុស្តិ៍ KBS 2 បានបង្ហាញសារសន្ទនាកាលពីឆ្នាំមុនរបស់ពួកគេអំពីបញ្ហាខាងលើ។ Choi ផ្តើមមុនថា “តើខ្ញុំគួរធ្វើយ៉ាងណាចំពោះការមានទម្ងន់នេះ?” Kimឆ្លើយថា "យើងគួរទៅមន្ទីរពេទ្យដើម្បីពន្លូតវាចេញ"។ នាងតបមកវិញ "ពិតមែនឬ"។ មិត្តប្រុសតបវិញថា "តើពេលណាបានអូនទៅមន្ទីរពេទ្យទៅ?” នាងតបវិញថា "ខ្ញុំមិនដឹងទេ" ហើយ តារាប្រុសវ័យ ២៨ ឆ្នាំឆ្លើយតបថា "ចង់ធ្វើម៉េចវិញ?"។

ចំណែកស៊េរីសារផ្សេងផ្តើមដោយមិត្តស្រីមុនថា "ខ្លួនប្រាណរបស់ខ្ញុំជាំអស់ហើយ"។ Kim តប៖ "តើអ្នកចង់បានអីឥឡូវនេះ? ហេតុអ្វីបានជាផ្ញើរូបនេះឲ្យខ្ញុំ? ចង់ឲ្យខ្ញុំចាំក្នុងចិត្តថា ខ្ញុំធ្វើបានអីចឹងមែន? សុំទោស ឈប់បានឈប់ទៅ។ ខ្ញុំគិតថា ដោយសារតែនាងទើបខ្ញុំប្រែក្លាយជាមនុស្សផ្សេងដែលខ្ញុំមិនធ្លាប់ឃើញអស់ច្រើនឆ្នាំមកនេះ"។ នាងតបថា៖ "ខ្ញុំគិតថា ខ្ញុំត្រូវឯងវ៉ៃខ្លាំងពេកហើយ តែមិនស្លាប់... ខ្ញុំគិតថាកូននៅក្នុងផ្ទៃបានរលូតពីព្រោះតែឯងបានវាយក្បាលពោះរបស់ខ្ញុំខ្លាំងៗហ្នឹង"។

យ៉ាងណាក្ដីចំពោះបញ្ហានេះមិនទាន់មានការបកស្រាយច្បាស់លាស់ពីសំណាក់សាមីខ្លួន Kim Hyun Joong យ៉ាងណានោះទេ ខណៈដែលផលិតកម្ម KeyEast ដែលជាទ្រនំរបស់តារាចម្រៀងរូបនេះថា មិនហ៊ាននិយាយអ្វីទាំងអស់ទុកឲ្យមេធាវីដោះស្រាយចុះ៕

អាន៖ ផ្អើលពេញឆាក ពេលស្រីស្អាតម្នាក់នេះ ច្រៀងដូច Ailee

ប្រែសម្រួល៖ ហេង សុធារិទ្ធិ ប្រភព៖ allkpop