ចន ស៊ីណូរ៉ា ល្បីថាសង្ហា ឯការសិក្សាដល់អនុបណ្ឌិត

2015-05-14 16:01:48
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែងចំណូលថ្មីល្បីថាសង្ហា ចន ស៊ីណូរ៉ា មិនបានបោះបង់ការសិក្សាចោលនោះទេ បើទោះបីជាទីផ្សារសិល្បៈកំពុងតែមមាញឹកគួរសមក៏ដោយ ពោលគឺរៀនដល់ចប់ថ្នាក់បរិញ្ញាបត្រ ហើយនៅបន្តយកអនុបណ្ឌិតទៀត។

តារាសម្ដែងដែលបានបញ្ចប់ការសិក្សាថ្នាក់បរិញ្ញាបត្រព័ត៌មានវិទ្យានៅសាកលវិទ្យាល័យជាតិគ្រប់គ្រង និងកំពុងបន្តរៀនថ្នាក់អនុបណ្ឌិតនៅសាកលវិទ្យាល័យដដែលរូបនេះ បានប្រាប់ថា៖ "ទោះជាសិល្បៈល្អប៉ុណ្ណា ក៏ខ្ញុំមិនបោះបង់ចោលការសិក្សាដែរ ខណៈទីផ្សារអាស៊ាននឹងបើកក្នុងពេលឆាប់ៗនេះ ហើយគេត្រូវការអ្នកមានសមត្ថភាពពិតប្រាកដ"។

កំលោះសង្ហាវ័យ២៦ឆ្នាំ ធ្លាប់បានសម្ដែងរឿងភាគទូរទស្សន៍ TV9 HD ស្នេហ៍អមត និងនារីឆ្លាតស្លឹកចាក របស់ផលិតកម្មដើមត្នោត (តួឯក) ហើយសព្វថ្ងៃកំពុងថតរឿងថ្មីសម្រាប់ផលិតកម្មចក្រវាលគឺរឿង ស្ទឹងស្នេហា។ ក្រៅពីនេះ ស៊ីណូរ៉ា ក៏ជាតារាម៉ូដែល ថតស្បតពាណិជ្ជកម្ម និងថត MV ឲ្យផលិតកម្ម ហង្សមាស ភ្លេងរីខត បុប្ផា សាន់ដេជាដើម ហើយថ្មីៗនេះក៏បានជាប់ជា MC ម្នាក់ ក្នុងស្ថានីយទូរទស្សន៍ថ្មី PNN ផងដែរ។

លើសពីនេះទៀត ណូរ៉ាក៏ជាគ្រូបង្រៀនម្នាក់នៅវិទ្យាស្ថានឯកជនមួយក្នុងរាជធានីភ្នំពេញថែមទៀតផង។ អ្នកស្រុកកំពង់ស្ពឺ ភូមិស្លា ឃុំវល្លស ស្រុកសំរោងទងរូបនេះ ទើបប្រឡូកក្នុងវិស័យសិល្បៈនៅចុងឆ្នាំ២០១៣ ប៉ុណ្ណោះ៕