ចាប់​ពី​ថ្ងៃ​ទី ​០១ ខែ​ មិថុនា តទៅ ក្រុម​ហ៊ុន​ Attwood Import Export Co.,Ltd (AIE) នឹង​ក្លាយ​ជា​អ្នក​ចែក​ចាយ​​ជា​ផ្លូវ​ការ​ និង ផ្ដាច់​មុខ​សម្រាប់​ស្រា​បៀរ​ទឹក​ពណ៌​មាស​ Corona Extra Premium នៅ​ក្នុង​ព្រះរាជាណាចក្រ​កម្ពុជា។

  "យើង​​ខ្ញុំ​សប្បាយ​​រីករាយ​សូម​នាំ​មក​នូវ​ស្រា​បៀរ​ ដែល​ត្រូវ​បាន​ចែកចាយ​យ៉ាង​ទូលំទូលាយ​បំផុត​នៅ​ក្នុង​ពិភព​លោក​ មក​កាន់​ប្រទេស​កម្ពុជា។ នេះ​ជា​ប្រសាសន៍​របស់​​ លោក ​ជំទាវ លឹម ឈីវហូ ជា​ស្ថាបនិក​ និង ប្រធាន AIE បន្ទាប់​ពី​ចុះ​ហត្ថលេខា​ផ្លូវ​ការ​ ដែល​ធ្វើ​ឡើង​នៅ​សណ្ឋាគារ​ Intercontinental កាល​ពី​យប់​ថ្ងៃ​ទី ២៩ ខែ ឧសភា កន្លង​ទៅ​នេះ។  

AIE ជា​ដៃ​គូ​មាន​បទ​ពិសោធន៍ និង​ គួរ​ឲ្យ​ទុក​ចិត្ត

ក្រុម​ហ៊ុន​ Attwood Import Export Co.Ltd ដែល​​ត្រូវ​បាន​បង្កើត​ឡើង​នៅ​ឆ្នាំ ១៩៩៤ គឺ​ជា​ អ្នក​ចែកចាយ​ភេសជ្ជៈ​មាន​ជាតិ​អាល់​កុល​គុណ​ភាព​ខ្ពស់​ធំ​ជាង​គេ​បំផុត​នៅ​ប្រទេស​កម្ពុជា​ដែល​គ្រប​ដណ្ដប់​លើ​ ២៤ ខេត្ត ដោយ​មាន​ទី​ស្នាក់​ការ​លក់​ ១២ កន្លែង។  

ក្រុម​ហ៊ុន​ Attwood មាន​ម៉ាក​ភេសជ្ជៈ​មាន​ជាតិ​អាល់​កុល​ ស្រា​សំាប៉ាញ និង ស្រា​ដែល​ឈាន​មុខ​គេ​ជា​សកល​មួយ​ចំនួន​​ ក្នុង​ចំណោម​ក្រុម​ផលិត​ផល​ដែល​កំពុង​រគ​ចម្រើន​ជាបន្ដ​របស់​ខ្លួន។ AIE គឺជា ​អ្នក​នាំ​ចូល​ផ្ដាច់​មុខ​នៃ​ស្រា Johnnie Walker, Hennessy, Kickapoo Joy Juice ព្រម​ទំាង​ជា​អ្នក​ផលិត​ទឹក​ពិសា NAVY ផងដែរ។  

Jelfrey Lee, បាន​មាន​ប្រសាសន៍​ថា អស់​រយៈ​ពេល​​ជាង ២០ ឆ្នាំ អ្នក​ឈាន​មុខ​​គេ​លើ​ទី​ផ្សារ​ទាំង​នេះ​ទុក​ចិត្ត​មក​លើ​បទ​ពិសោធន៍​ បណ្ដាញ និង ភាព​អាច​ទុក​ចិត្ត​បាន​​របស់​យើង នៅ​ក្នុង​ការ​នាំ​យក​ផលិត​ផល​របស់​ខ្លួន​មក​កាន់​ទី​ផ្សារ​អ្នក​ប្រើប្រាស់​ ដែល​រីក​ចម្រើន​លឿន​ និង យល់​ពី​ម៉ាក​ កាន់​តែ​ខ្លាំង​ឡើង។ យើង​ខ្ញុំ​រីករាយ​សូម​ស្វាគមន៍​ស្រាបៀរ​ទឹកពណ៌មាស​ Corona Extra Premium ចូល​ក្នុង​ក្រុម​ផលិត​ផល​ម៉ាក​ឈាន​មុខ​ជាសកល​របស់​យើង​ខ្ញុំ។  

Corona ស្រាបៀរ​​ម៉ិកស៊ិកូ​ដាច់​លេខ ១ នៅ​ក្នុង​ពិភព​លោក

Corona ត្រូវ​បាន​ផលិត​ជា​លើក​ដំបូង​នៅ​ឆ្នាំ ១៩២៥ នៅ "ConrveceríaModelo" ក្នុង​ក្រុង​ម៉ិកស៊ិកកូ។ ដប់​ឆ្នាំ​ក្រោយ​ពេល​​វា​បាន​ប្រកាស​លក់​ Corona បាន​ក្លាយ​ជា​ស្រាបៀរ​លក់​ដាច់​បំផុត​នៅ​ប្រទេស​ម៉ិកស៊ិកកូ។ បច្ចុប្បន្ន​នេះ Corona ដែល​ជា​ស្រាបៀរ​ទឹក​ពណ៌មាស​គុណភាព​ខ្ពស់​​ ដែល​ផលិត​តែ​នៅ​ប្រទេស​ម៉ិកស៊ិកកូ​នោះ គឹជា ម៉ាក​នាំ​ចូល​គុណភាព​កំពូល​ឈាន​មុខ​គេ​​ ជា​ម៉ាក​មាន​តម្លៃ​បំផុត​ទី ៤ នៅ​ក្នុង​ពិភព​លោក និង ជាស្រាបៀរ​ម៉ិកស៊ិកកូ លក់​​ដាច់​លំដាប់​ថ្នាក់​ទី ១ ក្នុង​ពិភព​លោក។  

Corona ពិត​ជា​ម៉ាក​ដ៏​អស្ចារ្យ​ ដែល​លើស​ពី​ស្រាបៀរ​ធម្មតា។ Corona តំណាង​ឲ្យ​​ទស្សនៈ​អំពី​ការ​រស់​នៅ​សម្រាប់​ពេល​នេះ ដែល​ត្រូវ​បាន​ប្រកាន់​យក​ជុំវិញ​ពិភពលោក។ យើង​ខ្ញុំ​ពិត​ជា​រំភើប​​រីករាយ​​ក្នុង​ការ​សហការ​ជាមួយ​​ក្រុម​ហ៊ុន​ Attwood Import Export Co.,Ltd ដើម្បី​ធ្វើ​ឲ្យ​ Corona ក្លាយ​ជា​ស្រា​បៀរ​គុណភាព​ខ្ពស់​អន្ដរជាតិ​​ឈាន​មុខ​គេ​នៅ​ប្រទេស​កម្ពុជា"។ នេះ​ជា​ប្រសាសន៍​របស់​ Ricardo Vasques អគ្គនាយក​នៃ​ AB InBev៕  

អត្ថបទ៖ ពាណិជ្ជកម្ម