Rich Kids Media ក្រុងពាលីរឿងបែបស្នេហាប្លែកៗ

2015-06-02 17:11:03
ចំនួនមតិ 0 | ចំនួនចែករំលែក 0

ចន្លោះមិនឃើញ

ផលិតកម្ម Rich Kids Media បានធ្វើពិធីក្រុងពាលីរឿងថ្មីមានចំណងជើងថា "ក្រមុំ៣១កំលោះ៥២" កាលពីម្សិលមិញនេះ ដោយមានការចូលរួមពីតួសម្ដែងនានា។

អ្នកដឹកនាំរឿងវ័យក្មេង រ៉ូណាន ចាន់ណា បាននិយាយថា ស្នាដៃថ្មីនេះ ផ្ដោតសំខាន់លើកំប្លែង និង សកម្មភាពរបស់តួសម្ដែងបែបកំប្លែង។ នេះជាស្នាដៃទី ២ បន្ទាប់ពីរឿង "៧ថ្ងៃ" ដែលធ្លាប់បានទទួលជោគជ័យនាពេលកន្លងមក ខណៈទស្សនិកជនភាគច្រើនបានពោលសរសើរ បន្ទាប់ពីបានទស្សនា។ អ្នកដឹកនាំរឿងរូបនេះបន្តថា ការសម្រេចចិត្តផលិតរឿងថ្មី គឺតបតាមការសំណូមពររបស់ទស្សនិកជន ចង់ឱ្យចៀសចេញពីរឿងខ្មោច។

លោកបន្ដថា៖ "ពូកគាត់បានទស្សនារឿងខ្មោចរួចហើយ ក៏មានការពោលសរសើរ និង ទន្ទឹងរង់ចាំស្នាដៃថ្មីបែបកំប្លែងរបស់យើងវិញម្ដង"។ រ៉ូណាន បញ្ជាក់ថា តួសម្ដែងសំខាន់ៗក្នុងភាពយន្តស្នេហាកំប្លែងខាងលើរួមមាន លោក ទេព រិនដារ៉ូ, សាវិន ហ្វីលីប, នាង ខ្ញុង, ប៊ែននី យ៉ាំង និង តារាជាច្រើនទៀត ដែលលោកជឿជាក់ថា ពួកគេអាចធ្វើឱ្យទស្សនិកជនសើចពីដើមរហូតដល់ចប់។

អ្នកដឹកនាំរឿងអះអាងថា "ក្រមុំ៣១កំលោះ៥២" គ្រោងចំណាយពេលថត ៣ ខែ ចាក់បញ្ចាំងនៅចុងឆ្នាំនេះ ខណៈខ្ទង់ចំណាយអ្នកដឹកនាំរឿងរូបនេះ មិនបានទម្លាយឱ្យដឹងនោះទេ ដោយរង់ចាំថតរួចរាល់។ ប៉ុន្តែគ្រោងចំណាយច្រើនជាងស្នាដៃទី ១ ព្រោះមានសកម្មភាពច្រើន។ យ៉ាងណាអ្នកដឹកនាំរឿងបានដាក់ក្ដីសង្ឃឹមខ្ពស់ ព្រោះជារឿងបែបកំប្លែង កំពុងពេញនិយមក្នុងស្រទាប់មហាជនទូទៅ៕

អានអត្ថបទ៖ លេច មុខ ទេព រិនដារ៉ូ ផ្អើលអ្នកឃុំរកាកោង ២ ម្សិលមិញ

អានអត្ថបទ៖ ប្រិយមិត្តចាំទេ បទល្បីៗរបស់ ខាន់ ជេមស៍ កាលនៅផលិតកម្ម Rock មានបទអ្វីខ្លះ?