ចិនប្រើសុទ្ធតែកូនយន្តហោះ Drone ចាប់អ្នកលួចចម្លងក្នុងការប្រឡងធំ

2015-06-05 13:19:43
ចំនួនមតិ 0 | ចំនួនចែករំលែក 0

ចន្លោះមិនឃើញ

ចិនប្រើកូនយន្តហោះ Drone សម្រាប់ឃ្លាំមើលការលួចចម្លងក្នុងការប្រឡងធំនិងលំបាកជាងគេបំផុតក្នុងប្រទេសកុម្មុយនិស្តនៅអាស៊ីមួួយនេះ។

Drone សម្រាប់ឈ្លបយកការណ៍នោះត្រូវយកទៅប្រើប្រាស់ក្នុងការប្រឡងចូលថ្នាក់មហាវិទ្យាល័យជាតិក្នុងខេត្ត Luoyang ដែលហៅកាត់ថា NCEE ឬ Gaokao។ NCEE ត្រូវបានគេស្គាល់ថាជាការប្រឡងមហាសែនលំបាកបំផុតសម្រាប់សិស្សចិន ដោយវាទាមទារឱ្យបេក្ខជនប្រឡងទាំងអស់ប្រើការចងចាំ។

នៅពេល Drone ដាក់ឱ្យឃ្លាំមើលការប្រឡង វាត្រូវបានបំពាក់បច្ចេកវិទ្យាមួយ ដែលអាចស្វែងរក និងបញ្ជាក់ពីរលកសញ្ញានៃទីកន្លែង ដែលមានការលួចចម្លងនោះទៅកាន់ Tablet របស់អ្នកជំនាញ ដើម្បីដឹងពីទីតាំងប្រភពរលកសញ្ញា ហើយអាចកាត់ផ្ដាច់រលកសញ្ញានោះបានភ្លាមៗ។ Drone នេះមានសមត្ថភាពហោះបានចម្ងាយ ១គ.ម ហើយត្រូវបញ្ជាឱ្យហោះចម្ងាយ ៥០០ម៉ែត្រជុំវិញបរិវេណមណ្ឌលប្រឡង។

មូលហេតុនៃការប្រើប្រាស់ Drone សម្រាប់ឃ្លាំមើលការប្រឡង NCEE នេះគឺដោយសារកាលពីពេលកន្លងទៅមានសិស្សជាច្រើនបានប្រើតិចនិកវៃឆ្លាតដើម្បីលួចចម្លង។ ជាក់ស្ដែង វិធីមួយដែលអនុរក្សចាប់បានកាលពីឆ្នាំ ២០១៤នោះ គឺសិស្សម្នាក់បានប្រើប៊ិចអេឡិចត្រូនិកមានកាមេរ៉ា សម្រាប់ថតសំនួរប្រឡង ហើយបញ្ជូនវាទៅកាន់អ្នកបោះប្រ៊ុយយ៉ុងនៅតំបន់ដាច់ឆ្ងាយបន្តិចពីមណ្ឌលប្រឡង បន្ទាប់មកក៏បញ្ជូនចម្លើយត្រឡប់មកវិញតាមរយៈឧបករណ៍ទទួលសំឡេងតូចមួយស៊កជាសម្ងាត់នៅនឹកត្រចៀក៕

អាន៖ ឧបករណ៍បច្ចេកវិទ្យាថ្មី៤ អាចសម្លាប់ជីវិតមនុស្សយ៉ាងសាហាវ

ប្រែសម្រួល៖ ប៉ែត ផាន់និត

ប្រភព៖ wired