Brand Fashion ល្បីចំនួន ៥ ដែលកំពុងពេញនិយមនៅកូរ៉េ

2015-06-22 18:03:23
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្របពេលដែលវិស័យ Kpop កំពុងទទួលប្រជាប្រិយភាពច្រើនឡើងៗពិសេសក្នុងចង្កោមយុវវ័យ Fashion របស់តារាល្បីៗជាអ្វីដែលប្រិយមិត្តចង់តាមដាន និងចង់លេងខ្លួនតាម។ ក្រៅពី Brand ល្បីៗនៅអឺរ៉ុប កូរ៉េខាងត្បូងក៏មានឈ្មោះ Brand ល្បីៗផ្ទាល់ខ្លួនដែរ ហើយ Brand ទាំងនោះកំពុងពេញនិយមក្នុងចំណោមយុវជនវ័យក្មេងកូរ៉េ។ ឥលូវយើងមើលថា Brand ទាំងនោះមានឈ្មោះអ្វីខ្លះ?

១ 87MM (eighty-seven milli)

87 MM គឺជា Brand ដែលបង្កើតឡើងដោយបុរសបីនាក់គឺ Wonjoong Kim, Chan Kim និង Jiwoon Park ដែលជាមនុស្សដែលគេចូលចិត្តដេញតាម Fashion បំផុតនៅកូរ៉េ។ ដោយសារកំណើនការទិញលក់នៅលើអនឡាញខ្ពស់ ពួកគេទាំងបីនាក់បានបង្កើតហាងលក់នៅលើអ៊ីនធឺណិតមួយ រហូតទទួលបានការគាំទ្រខ្លាំងទើបពួកគេបើកហាងនៅខាងក្រៅបន្ថែមទៀតនៅវិថី Rodeo សង្កាត់ Gangnam។ ម៉ូដរបស់ពួកគេត្រូវបានយកទៅបង្ហាញក្នុងកម្មវិធី Paris Fashion Week ឆ្នាំ ២០១៤ ទៀតផង។

២ BLANKOF

ជា Brand ដ៏ពេញនិយមសម្រាប់ជីវិតរស់នៅប្រចាំថ្ងៃ។ ក្រោមគំនិតឌីហ្សាញរបស់ Derghyun Won ក្រុមហ៊ុននេះផ្តោតសំខាន់ទៅលើកាបូបស្ពាយក្រោយខ្នង កាបូបស្ពាយចំហៀង កាបូបយួរដៃ និងមួក។

៣ BLINDESS

BLINDESS ត្រូវបានបង្កើតដោយអ្នកឌីហ្សាញមកពីទីក្រុងសេអ៊ូលដែលមានឈ្មោះរួមថា BLIND STUDIO។ បង្កើតមិនដល់មួយឆ្នាំផង ស្នាដៃពួកគេត្រូវបានទស្សនាវដ្ដី VOGUE Korea, DAZED & CONFUSED និង Harper's BAZAAR យកទៅចុះផ្សាយ។

៤ Buried Alive

Buried Alive ត្រូវបានបង្កើតឡើងក្នុងឆ្នាំ ២០០៩ តាមរយៈភាពយន្តរន្ធត់មួយដែលមានឈ្មោះដូចគ្នានេះ។ Brand មួយនេះផ្ដោតទៅលើវប្បធម៌រស់នៅយុវវ័យប្រចាំថ្ងៃជាលក្ខណៈ Street Fashion ជាជាង Fashion បែបទំនើបៗ។

៥ COVERNAT

CONVERNAT ជាប្រភេទសំលៀកបំពាក់សាច់ខូវប៊យដែលបង្កើតឡើងក្នុងឆ្នាំ ២០០៨។ ម៉ូដនៃ Brand នេះគឺជាការច្របាច់បញ្ចូលរវាងផ្នត់គំនិត និងស្ទីលអាមេរិករួមនឹងជប៉ុន។ ហើយភាពខុសប្លែកពីផលិតផលអាមេរិកមួយចំណុចទៀតត្រង់ថា វាត្រូវបានផលិតឡើងសំដៅទីផ្សារអាស៊ី ពិសេសមើលទៅលើរូបរាងប្រជាជនអាស៊ីតែម្ដង។

អាន៖ ចង់ដឹងគេថតរឿង Jurassic World ដោយរបៀបណាអត់?

ប្រែសម្រួល៖ សីហា ប្រភព៖ highsnobiety