ភរិយា ស៊ុក សុភា ភ្ញាក់ផ្អើលនឹងគំនូររបស់កូនអាយុ៧ឆ្នាំ ស្ទើរដូចវិចិត្រករអាជីព

2015-07-02 17:29:02
ចំនួនមតិ 0 | ចំនួនចែករំលែក 0

ចន្លោះមិនឃើញ

សារីណា ភរិយា ស៊ុក សុភា បានពោលថា នាងពិតជាមានការភ្ញាក់មែនទែន ពេលបានឃើញរូបគំនូរប៉ុន្មានសន្លឹកដែលគូរដោយកូនប្រុសច្បង Alexander អាយុ ៧ឆ្នាំរបស់ខ្លួន ល្អហួសពីការគិតដល់។

គំនូរប៉ុន្មានសន្លឹកនោះ Alexander បានគូរពីតួអង្គ Hero ក្នុងរឿងភាពយន្តគំនូរជីវចលដ៏ល្បីរបស់ជប៉ុន "Dragon Ball"។ សារីណា មិនបានចាប់អារម្មណ៍ កូនប្រុសច្បងរូបនេះ ចាប់ផ្ដើមគូរគំនូរនេះតាំងពីពេលណាទេ គឺឃើញក្រោយពីគំនូរត្រូវបានគូររួចរាល់ទៅហើយ។ នាងថ្លែងថា “ខ្ញុំមានការភ្ញាក់ផ្អើល និងមានមោទនភាពខ្លាំងណាស់ ម៉ាក់មិននឹកស្មានថាកូនអាចគូរបានល្អដល់ម្ល៉ឹងទេ!"។

ព្រមជាមួយគ្នានោះ ប្រិយមិត្តលើបណ្ដាញសង្គម ក៏បានពោលសរសើរ និងបង្ហាញពីការភ្ញាក់ផ្អើលដូចគ្នាដែរ ចំពោះអ្វីដែលកុមារវ័យ ៧ឆ្នាំរូបនេះធ្វើបាន។ ឆ្លើយប្រាប់ Sabay តាមសារអេឡិចត្រូនិក អ្នកម្ដាយកូន ៥នាក់រូបនេះ បានអះអាងថា កូនប្រុសច្បងរបស់ខ្លួនរូបនេះ មានទេពកោសល្យកាត់មករកខ្លួន ដែលចូលចិត្តគូរគំនូរដែរ ប៉ុន្តែខុសត្រង់ថា បើស្ថិតវ័យដូចគ្នា នាងចាញ់កូនដាច់។

Alexander កាលនៅតូច និងគំនូររបស់គេ

សារីណា ថ្លែងថា “កូនមួយហ្នឹងចូលចិត្តគូរតាំងនៅតូចចាប់ពី១ឆ្នាំកន្លះចេះកាន់ប៊ិចយ៉ាងស្ទាត់ ដល់ជាងពីរឆ្នាំចាំផ្ដើមផាត់ពណ៌យ៉ាងស្អាត និងចេះរើសពណ៌ហើយផាត់មានរបៀប និងអត់ចេញក្រៅទេ ទើបខ្ញុំដឹងថា កូនហ្នឹងចូលចិត្តគូររូបដូចខ្ញុំដែរ។ ខ្ញុំចូលចិត្តជាងគេ គឺគូររូប និងផាត់ពណ៌ហ្នឹង តែទោះជាយ៉ាងណា ខ្ញុំទើបតែចេះគូរស្ទាត់ពេលធំ នៅអាយុប៉ុណ្ណឹង(៧ឆ្នាំ) ខ្ញុំអត់ចេះគូរស្អាតអញ្ចឹងទេ!”។

ដោយសារឃើញថា កូនប្រុសមានទេពកោសល្យ សារីណា បានប្រាប់ថា នាងតែងទិញពណ៌ និងសៀវភៅអោយគូរជានិច្ច។ "អោយតែគូរហើយយកមកអោយខ្ញុំមើលហើយ ហើយមានមួយសន្លឹកទៀតដែលអោយខ្ញុំមើលយូរហើយ ខ្ញុំគិតថាស្អាតដែរ តែដល់រូបទាំងបីចុងក្រោយនេះ ជារូបដែលពិបាកគូរ ដល់ឃើញគូរបានល្អគ្រប់ជ្រុងពេកទើបភ្ញាក់តែម្ដងទៅ"។ សារីណា បន្ថែម។

សារីណា មិនមានគម្រោងបន្ទច់បង្អាក់កូនប្រុសដ៏មានទេពកោសល្យនេះទេ ផ្ទុយទៅវិញមានតែជំរុញបន្ថែម។ អ្នកម្ដាយរូបនេះ ថ្លែងថា "ខ្ញុំបានប្រាប់កូនហើយថា កូនរៀនគូរអោយពូកែទៅ នៅស្រុកគេនេះ រកលុយបានណាស់ខាងគូរ ខាង designer ហ្នឹង តែបើកូនចង់ខាងអ្វី អាចធ្វើបានគឺស្រេចតែគេចុះ!”៕

មេម៉ាយៗ ក្នុងសិល្បៈខ្មែរ សុទ្ធតែតារាល្បី

អ្នកជំនាញថា ប៉ែន ចំរុង ឡប់ដាច់គេ២ឆ្នាំចុងក្រោយ

តោះ...ឥឡូវស្នាដៃរបស់ Alexander ទាំងអស់គ្នាមើល៍ ឡូយទេប៉ុណ្ណឹង?