អតីត​កីឡាករ​ឆ្នើម Roberto Carlos ​នឹង​ក្លាយ​ជា​អ្នក​ចាត់​ការ​ថ្មី​របស់​ក្រុម Delhi Dynamos ​ដែល​លេង​នៅ​ក្របខ័ណ្ឌ India Super League ​នៅ​រដូវ​កាល​ក្រោយ​នេះ។

Carlos ​ដែល​ជា​អតីត​ខ្សែ​ការពារ​ល្អ​របស់ Real Madrid ​និង​ក្រុម​ជម្រើស​ជាតិ​ប្រេស៊ីល​បាន​ប្រកាស​កាល​ពី​ម្សិលមិញ​នេះ​ថា​រូប​លោក​នឹង​ទៅ​ដឹក​នាំ​ក្រុម​មួយ​នៅ​ប្រទេស​ឥណ្ឌា​គឺ Delhi Dynamos ​ហើយ​សង្ឃឹម​ថា​នឹង​អាច​ជួយ​ក្លិប​បាល់​ទាត់​មួយ​នេះ​ឱ្យ​ជោគជ័យ​ផង​ដែរ។ វត្តមាន​របស់​បុរស​វ័យ​៤២​ឆ្នាំ​រូប​នេះ​ត្រូវ​បាន​គេ​ដឹង​ថា​ជំនួស​លោក Harm van Veldhoven ​ដែល​បាន​ដឹក​នាំ​ក្រុម Delhi Dynamos ​នេះ​ធ្លាក់​ដល់​លេខ​៥​កាល​ពី​រដូវ​កាល​មុន។

India Super League ​គឺ​ជា​លីក​បាល់​ទាត់​មួយ​នៅ​ប្រទេស​ឥណ្ឌា​ដែល​ទើប​តែ​បង្កើត​ឡើង​នៅ​ឆ្នាំ​២០១៣។ លីក​បាល់​ទាត់​មួយ​នេះ​មាន​៨​ក្រុម​ប្រកួត​ប្រជែង​គ្នា ហើយ​ររដូវកាល​ថ្មី​នេះ​នឹង​​ចាប់​ផ្ដើម​ពី​ថ្ងៃ​ទី​៣​ ខែ​តុលា ​រហូត​ដល់​ថ្ងៃ​ទី​៦​ ខែ​ធ្នូ។

Roberto Carlos បញ្ចប់​អាជីព​ជា​កីឡាករ​នៅ​ឆ្នាំ​២០១២ ​ហើយ​ដល់​ឆ្នាំ​២០១៣ រូប​លោក​ក៏​ចាប់​ផ្ដើម​អាជីព​ជា​គ្រូ​បង្វឹក​ម្ដង​ ដោយ​រយៈ​ពេល​២​ឆ្នាំ​មក​នេះ​បាន​ដឹក​នាំ​ក្រុម​២​មក​ហើយ​គឺ Sivasspor និង​ Akhisar Belediyespor ។ ចំណែក​ឯក្លិប Delhi Dynamos គឺ​ជា​ក្លិប​ទី​៣​ហើយ សម្រាប់​អតីត​កីឡាករ​ជួយ​ប្រេស៊ីល​លើក​ពាន World Cup ​ឆ្នាំ​២០០២ ​នេះ៕

ចុចអាន៖មួយ​គ្រាប់​នេះ​អាច​ស៊ី​ដាច់​គ្រាប់​បាល់​របស់​ ​Carlos បាន​អត់?  

ចុចអាន៖ ៣​គ្រាប់​​​ Roberto Carlos​ នេះ​ មិន​​ងាយ​​មាន​អ្នក​ធ្វើ​ដូច​

​ប្រែ​សម្រួល៖ មុន្នី រម្យ ប្រភព៖ mirror