តារាចម្រៀង សុរិន្ទ សុង សែង ត្រេកអរក្នុងចិត្ត ទោះមានផលិតកម្មនៅខ្មែរ Copy បទកន្ទឹ្រមច្រើន

2015-07-11 16:33:00
ចំនួនមតិ 0 | ចំនួនចែករំលែក 0

ចន្លោះមិនឃើញ

សុង សែង ប្រាប់ថា លោកត្រេកអរក្នុងចិត្ត បើទោះបីដឹងថា ចម្រៀងកន្ទ្រឹមរបស់ខ្លួនជាច្រើន ត្រូវបានផលិតកម្មក្នុងប្រទេសកម្ពុជាមួយចំនួន ចម្លងមកធ្វើជាអាជីវកម្មយ៉ាងណាក្ដី។

ម្ចាស់ដើមបទ "ធំៗ" រូបនេះប្រាប់ Sabay នៅក្នុងដំណើរលើកដំបូងមកកាន់ប្រទេសកម្ពុជាថ្មីៗនេះថា លោកបានដឹងជាយូរមកហើយ ពាក់ព័ន្ធទៅនឹងការផលិតបទចម្រៀងកន្ទ្រឹមនៅទីនេះ ក្នុងនោះចម្រៀងមួយចំនួនសុទ្ធសឹងតែជាបទល្បីនៅសុរិន្ទ។ ប៉ុន្តែលោកថា ជាការសប្បាយចិត្តទៅវិញទេ ព្រោះជាការផ្សព្វផ្សាយបទចម្រៀងទាំងនោះផង ហើយក៏មានសាច់ឈាមជាខ្មែរដូចគ្នា ទោះបីរស់នៅឆ្ងាយគ្នាយ៉ាងណាក្ដី។

លោកនិយាយទាំងរដឺនថា៖ "ដឹងច្រើនៗ! តែខ្ញុំអរ អ្នកចម្រៀងខ្មែរ បងប្អូនយើង ដែលបានយកបទទៅច្រៀង អត់ៗ អត់អីទេ អរក្នុងចិត្ត"។ តារាចម្រៀងល្បីនៅសុរិន្ទរូបនេះចាប់អារម្មណ៍ថា វិស័យចម្រៀងនៅប្រទេសកម្ពុជារីកចម្រើនដូចគ្នា ទៅនឹងវិស័យចម្រៀងនៅលើទឹកដីសុរិន្ទដែរ។

ប៉ុន្តែលោកបន្ថែមថា តារាចម្រៀង ឬអ្នករាំនៅទឹកដីកំណើតរបស់ខ្លួន ភាគច្រើនស្លៀកខ្លីៗ ដែលលោកចាត់ទុកថា នោះរឿងមិនសូវល្អទៅវិញ។ សុង សែង បញ្ជាក់ថា៖ "ចង់ឱ្យពូកគាត់ស្លៀកវែងៗ ដូចអ្នកចម្រៀងនៅកម្ពុជាយើង បែបប្រពៃណីចាស់បរមបុរាណ មិនចង់ឱ្យបាត់ទៅ"។ លោកអះអាងថា កំពុងត្រៀមចេញចម្រៀងកន្ទ្រឹមថ្មីៗបន្តបន្ទាប់ទៀត ហើយសង្ឃឹមថា ប្រជាពលរដ្ឋខ្មែរបន្តការគាំទ្រ៕

អានអត្ថបទ៖ តារាស្រីទាំង ៣ ដួង មានវាសនាខុសគ្នា ក្នុងចំណងស្នេហ៍ជាមួយជនបរទេស

អានអត្ថបទ៖ សម្រស់ពិធីការិនី ពេលអត់ Makeup នៅតែស្អាតទៀតអត់ណ៎?