Doors Phnom Penh បរិយាកាសក៏ថ្មី អាហារក៏ឆ្ងាញ់ប្លែក

2015-07-25 16:41:03
ចំនួនមតិ 0 | ចំនួនចែករំលែក 0

ចន្លោះមិនឃើញ

Doors Phnom Penh ជាភោជនីយដ្ឋានអេស្ប៉ាញដែលមានការតុបតែងទាន់សម័យពេញចិត្តយុវវ័យ ជាពិសេសគឺការរចនានៅតាមជញ្ជាំងជាមួយរូបអប្សរា និងហនុមានខ្មែរយើងជា Graffiti សម័យទំនើប។ គ្រាន់តែបើកទ្វារចូលទៅដល់ក្នុងហាង អ្នកនឹងទទួលបានភាពស្រស់ស្រាយហើយពោរពេញទៅដោយសិល្បៈដ៏ប្លែកភ្នែកដែលជាការតុបតែងផ្ទាល់ពីម្ចាស់ហាងស្រីវ័យក្មេង។

ក្រៅពីមានបរិយាកាសល្អ ភោជនីយដ្ឋាននេះ មានបម្រើជូនម្ហូបអេស្ប៉ាញដែលចម្អិនដោយចុងភៅជំនាញមកពីប្រទេសអេស្ប៉ាញ។ ម្ហូបដែលទទួលបានការគាំទ្រជាខ្លាំងពីភ្ញៀវខ្មែរ និងបរទេសនោះគឺ លៀសហូលដុតជាមួយគ្រឿង ដែលមានរសជាតិស្រស់ៗពីសមុទ្រ។ មួយទៀតគឺ ជ្រូកខ្វៃអេស្ប៉ាញរសជាតិផុយហើយឈ្ងុយ គ្រាន់តែដាក់ចូលមាត់ក៏អាចរលាយ និង សាច់គោបន្ទះអាំងរូបមន្តពិសេសរបស់អេស្ប៉ាញ។ ក្រៅពីនេះក៏មានលក់តែរូបមន្តពិសេសរបស់ហាង ស្រាក្រឡុក ស្រាក្រហម និងទឹកផ្លែឈើស្រស់ ឬក្រឡុកជាច្រើនមុខទៀត។