ចេញConcept រថយន្ត/យន្តហោះ ថ្មី អេមអស់ទាស់

2015-07-31 14:44:50
ចំនួនមតិ 0 | ចំនួនចែករំលែក 0

ចន្លោះមិនឃើញ

Concept រថយន្តដែលអាចមានសមត្ថភាពពិសេស ឌីហ្សាញឡូយ ដើរដោយថាមពលព្រះអាទិត្យ ហើយថែមទាំង អាចហោះបានមានឈ្មោះថា TF-X™។ ស្ថាប័នស្ថាបនិករបស់អាមេរិក Terrafugia បញ្ជាក់ថា គំនិតថ្មីនេះ គឺមានគោលដៅច្បាស់លាស់ដើម្បីជំរុញឲ្យសុវត្ថិភាពចរាចរណ៍កាន់តែប្រសើរឡើង ការប្រើប្រាស់យាន្តជំនិះផ្ទាល់ខ្លួនកាន់តែសម្បូរបែប និងសាមញ្ញងាយស្រួលប្រើ ដើម្បីឆ្លើយតបទៅនឹងសេចក្ដីត្រូវការរបស់អ្នកប្រើប្រាស់នាពេលអនាគត។

Terrafugia បញ្ជាក់ថា TF-X™ អាចនឹងមានតម្លៃថ្លៃជាងបណ្ដារថយន្តស៊េរីទំនើបនាពេលបច្ចុប្បន្នមួយចំនួន គ្រាន់តែតួលេខច្បាស់លាស់អត់ទាន់អាចបញ្ជាក់បាននៅឡើយ។

បើតាមការរំពឹងទុក ផលិតកម្មTF-X™ នឹងប្រើពេលចន្លោះពី ៨ ទៅ ១២ឆ្នាំ ដើម្បីឲ្យរថយន្តទំនើប កូនកាត់យន្តហោះលេចចេញជារូបរាងឡើង។ ម្យ៉ាងទៀតក្រុមហ៊ុនTerrafugia ក៏បើកទទួលប្រាក់កក់ចាប់ពីពេលនេះតទៅដែរ។

មុខងារពិសេសៗមួយចំនួនរបស់TF-X™៖ -ដំណើរការដោយថាមពលព្រះអាទិត្យ -ម៉ាស៊ីន(សេះ)៖ ៣០០ -ល្បឿន៖ ៣២០គម/ម៉ោង -ចម្ងាយ៖ អាចធ្វើដំណើរបាន ៥០០គម -កៅអី៖ ៤ និងស្លាបសងខាង -មិនចាំបាច់រត់លើផ្លូវRunway ពេលចង់ហោះ -ការហោះហើរ គ្រប់គ្រងដោយប្រព័ន្ធកុំព្យូទ័រ និងហោះហើរអូតូ ដោយគ្រាន់តែចុច/បញ្ជាទីគោលដៅដែលចង់ទៅ -ចុះចត៖ ដោយស្វ័យប្រវត្តិ -ប្រែក្រឡាពីរថយន្ត ទៅជាយន្តហោះ ត្រូវការពេលតែប៉ុន្មានវិនាទីប៉ុណ្ណោះ -តម្លៃ៖ អត់ទាន់បញ្ជាក់

វីដេអូបង្ហាញពីសមត្ថភាពដ៏អស្ចារ្យរបស់TF-X™៖