Major Cineplex by Cellcard មានអ្នកចូលទស្សនា ៧០ ម៉ឺននាក់ ខណៈកុនខ្មែរមានតែជាង ១០ %

2015-08-10 18:38:47
ចំនួនមតិ 0 | ចំនួនចែករំលែក 0

ចន្លោះមិនឃើញ

យ៉ាងហោចណាស់មានទស្សនិកជនប្រមាណ ៧០ ម៉ឺននាក់ បានចូលទៅទស្សនានៅរោងភាពយន្ត Major Cineplex by Cellcard ក្នុងរយៈពេល ១ ឆ្នាំកន្លងមក ខណៈកុនខ្មែរមានត្រឹមតែជាង ១០%។ នេះបើតាមការអះអាងរបស់លោក សៅ សុខនី អ្នកចាត់ការទូទៅរោងភាពយន្តខាងលើ។

លោកបានបញ្ជាក់ថា ដោយសាររោងភាពយន្តរបស់លោកទើបបានបង្កើតឡើងថ្មី ហើយមានជម្រើសច្រើនព្រោះមានចំនួនច្រើន Hall ។ អ្នកចាត់ការទូទៅខាងលើបានបន្តម្យ៉ាងទៀតថា ដោយសារមានទីតាំងល្អលើផ្សារទំនើបដ៏ធំមួយផងដែរ។ ទាំងនេះជាហេតុផលនាំឱ្យរោងភាពរបស់លោកមានការទាក់ទាញអ្នកចូលទស្សនាបានច្រើន។

លោក សៅ សុខនី បញ្ជាក់ថា មានភាពយន្តជាង ១៥០ រឿង ត្រូវបានចាក់បញ្ចាំងសម្រាប់រយៈពេល ១ ឆ្នាំនៃដំណើរការចាក់បញ្ចាំង ក្នុងនោះរឿងខ្មែរមានប្រមាណជាង ១០% ក្នុងចំនួនសរុប ។ លោកថា៖ “បើរឿងខ្មែរវិញ យើងកាន់តែមានការយោគយល់យកមកបញ្ចាំង ទោះបីជាមានរឿងខ្លះគុណភាពនៅមានកម្រិតមែនទែន យើងនៅតែផ្ដល់ឱកាសឱ្យពួកគាត់"។

ទោះបីជាយ៉ាងណា ចាងហ្វាងផលិតកម្មខាងលើបន្ថែមថា រោងភាពយន្តបានព្យាយាមធ្វើសកម្មភាពច្រើន ដើម្បីលើកស្ទួយវិស័យភាពយន្តរបស់ខ្មែរ។ ជាក់ស្ដែងថ្មីៗនេះ លោកក៏បានចូលរួមឧបត្ថម្ភក្នុងកម្មវិធី Caktomuk Short Film Festival នឹងរៀបចំឡើងនៅអំឡុងខែវិច្ឆិកា ២០១៥ ខាងមុខ ដែលប្រព្រឹត្តិទៅនៅ Major Cineplex by Cellcard ដោយភាគីរោងកុនផ្ដល់ទីតាំង ចាក់បញ្ចាំងស្នាដៃភាពយន្តខ្លីចូលរួមប្រកួតប្រជែង និង ថវិកាមួយចំនួនផងដែរ។

អ្នកចាត់ការទូទៅរូបនេះបង្ហាញជំហរមុតមាំ ដើម្បីចូលរួមក្នុងវិស័យភាពយន្តក្នុងស្រុកតាមរយៈរូបភាពជាច្រើនទៀត ដែលកំពុងស្ថិតនៅក្នុងផែនការនៅឡើយ៕

អានអត្ថបទ៖ ណុប បាយ៉ារិទ្ធ ស្រក់ទឹកភ្នែកពេលដែលបានឮឈ្មោះ… អានអត្ថបទ៖ ១ ឈុតម្នាក់ពី មាស ថនស្រីណៃ និង Andrea Torres មួយណាសិចស៊ីជាង?