Arum៖ Pacquiao នឹងប្រកួតជាមួយ Khan មិនមែន Floyd ទេឆ្នាំក្រោយ

2015-08-12 16:31:21
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកចាត់ចែងការប្រកួតដ៏ល្បី Bob Arum បាននិយាយថា Manny Pacquiao អាចនឹងត្រូវប្រកួតជាមួយ Amir Khan នៅឆ្នាំ២០១៦ខាងមុខនេះ មិនមែនទៅប្រកួតសងសឹកជាមួយ Floyd Mayweather ទេ។

Khan និង Pacquiao សុទ្ធតែចង់ប្រកួតជាមួយ Floyd នៅឆ្នាំ២០១៦ខាងមុខនេះ ប៉ុន្តែគួរឱ្យសោកស្ដាយកំពូលអ្នកប្រដាល់អាមេរិកបានប្រកាសជាផ្លូវការហើយថារូបគេនឹងឡើងប្រកួតតែមួយប្រកួតទៀតទេគឺនៅថ្ងៃទី១២ ខែកញ្ញាខាងមុខនេះ ហើយក្រោយពីនោះនឹងចូលនិវត្តន៍ហើយ។ នេះសបញ្ជាក់ឱ្យឃើញថា អ្នកប្រដាល់ទាំងពីរខាងលើអស់ឱកាសបាត់ទៅហើយ។

ដោយសារតែហេតុនេះហើយ លោក Arum អ្នកចាត់ចែងការប្រកួតរបស់ Pacquiao បានបញ្ជាក់ថាត្បិតតែ២នាក់ខាងលើមិនអាចប្រកួតជាមួយកំពូលអ្នកប្រដាល់មិនដែលចាញ់បានមែន ប៉ុន្តែពួកគេក៏អាចឡើងប្រកួតសាកកម្លាំងគ្នាបានដែរ។ Khan ជាជម្រើសល្អណាស់សម្រាប់អ្នកប្រដាល់អាស៊ី ដើម្បីពង្រឹងសមត្ថភាពឡើងវិញនៅឆ្នាំ២០១៦ ក្រោយពីជាពីរបួស។ ចំពោះកន្លែងសម្រាប់ការប្រកួតវិញ នឹងត្រូវធ្វើឡើងនៅទឹកដីកណ្ដាល មិនមែននៅទឹកដីអាមេរិកទៀតទេ។

PacMan និង Khan ជាសិស្សរួមគ្រូ

សូមបញ្ជាក់ថា អ្នកប្រដាល់ជើងខ្លាំងរបស់ហ្វីលីពីន និងអ្នកប្រដាល់កាន់សាសនាឥស្លាមខាងលើ គឺជាកូនសិស្សរួមគ្រូតែមួយ ពោលគឺពួកគេហ្វឹកហាត់ជាមួយលោកគ្រូ Freddie Roach ៕

ចុចអាន៖ ខ្សែជីវិតជូរចត់មួយចំនួនដែលអ្នកមិនដឹងពី Manny Pacquiao

ប្រែសម្រួល៖ មុន្នី រម្យ ប្រភព៖ bleacherreport