អ្នក​​ចាត់ចែង​ការ​ប្រកួតដ៏​ល្បី​ Bob Arum ​បាន​និយាយ​ថា​ Manny Pacquiao អាច​​នឹង​ត្រូវ​ប្រកួត​ជាមួយ Amir Khan ​នៅ​ឆ្នាំ​២០១៦​ខាង​មុខ​នេះ មិន​មែន​ទៅ​ប្រកួត​សងសឹក​ជាមួយ Floyd Mayweather ​ទេ។

កំពូល​អ្នក​ប្រដាល់​អង់គ្លេស Amir Khan ​បាន​យក​ឈ្នះ​លើ​អ្នក​ប្រដាល់​អាមេរិក Chris Algieri ​ដោយ​ពិន្ទុ ១១៧-១១១ , ១១៧-១១១ ​និង​១១៥-១១៣។ បន្ទាប់​ពី​ជ័យជម្នះ​នេះ​ដែរ Khan ​បាន​ផ្ដាំ​ផ្ញើ​ពាក្យ​១​ឃ្លា​​​ទៅ​ឱ្យ​ Floyd ​ផង​ដែរ​ថា "​ប្រកួត​បន្ទាប់​ខ្ញុំ​ចង់​ប្រកួត​ជាមួយ​អ្នក (I Want U Next)"។

កីឡាករ Amir Khan មាន​ទំនុក​ចិត្ត​ថា​ខ្លួន​នឹង​អាច​យក​ឈ្នះ​អ្នក​ប្រដាល់​អាមេរិក Chris Algieri ​បាន​នៅ​ថ្ងៃ​សុក្រ​នេះ ដើម្បី​ឈាន​ទៅ​ប្រកួត​ជាមួយ​កំពូល​អ្នក​ប្រដាល់ Floyd Mayweather ​នៅ​ថ្ងៃ​ទី​១២ ​ខែ​កញ្ញា​ខាង​មុខ ដែលអាច​​ជា​ប្រកួត​ចុង​ក្រោយ​របស់​អ្នក​ប្រដាល់​មិន​ដែល​ចាញ់​របស់​អាមេរិក។

អ្នក​ប្រដាល់​ Amir Khan ​របស់​អង់គ្លេស ​បាន​បរិច្ចាគ​ប្រាក់​ជិត​៥​ម៉ឺន​ដុល្លារ​ដែល​បាន​មក​ពី​កា​លក់​ខោ​ខ្លី​របស់​ខ្លួន ទៅ​ជួយ​សាង​សង់​សាលា​រៀន​ឡើង​វិញ​នៅ​ប្រទេស​ប៉ាគីស្ថាន​ ដែល​រង​ការ​ខូច​ខាត​ដោយ​ពួក​តាលីប៉ង់​មក​បាញ់​សម្លាប់​ក្មេង​ៗ​អស់​១៣២​នាក់​កាល​ពី​ថ្មីៗ​នេះ។