អតីតតារាស្រីសិចស៊ី ម៉ានីតា សម្ងំបើកហាងសាឡន!

2014-10-18 16:41:12
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយពីបានប្រកាសឈប់ពីសិល្បៈអតីតតារាសិចស៊ី ម៉ានីតា បានងាកមកចាប់យកអាជីពកាត់សក់វិញម្ដង ដោយបើកហាងសាឡនតូចមួយយីហោ D&T នៅម្ដុំផ្សារស៊ីឡឹប ដោយមានមនុស្សតិចតួចប៉ុណ្ណោះបានដឹងពីរឿងនេះ។

នាងបានប្រាប់ Sabay ថា ការចាប់យកអាជីពជាជាងកាត់សក់ដូច្នេះ គឺមិនចង់ពាក់ព័ន្ធទៅនឹងការងារសិល្បៈទៀតទេ ព្រោះមានស្វាមីរួចហើយ និងគួរតែឈប់ល្អជាង។ ម្យ៉ាងទៀត ម៉ានីតា អះអាងថា គ្មានពេលវេលាគ្រប់គ្រាន់ ដើម្បីប្រឡូកក្នុងវិស័យពោរពេញដោយការប្រកួតប្រជែង ដូចកាលនៅលីវនោះទេ ដោយក្រែងចិត្តស្វាមី ព្រោះរបស់ម្នាក់នោះ ក៏ពូកែប្រចណ្ឌផងដែរ។

ទោះបីជាយ៉ាងណា ចំពោះហាងថ្មីនេះ ម៉ានីតា មិនទាន់បានប្រាប់ដំណឹងទៅកាន់អ្នករួមអាជីពនៅឡើយទេ ដោយគ្រាន់តែបង្ហោះលើបណ្ដាញសង្គម Facebook ប៉ុណ្ណោះ ឲ្យមិត្តភក្ដិខ្លះបានដឹងតែប៉ុណ្ណោះ។ ប៉ុន្តែអតីតតារាចម្រៀង និងបង្ហាញម៉ូដខាងលើបានបន្តថា ពេលនេះហាងរបស់នាង ចាប់ផ្ដើមមានអតិថិជនស្គាល់បណ្ដើរៗហើយ បន្ទាប់ពីបានដំណើរការអស់រយៈពេល៣ខែកន្លង។ អតិថិជន មករកសេវាកម្មកាត់សក់ ឬសេវាកម្មផ្សេងទៀតក្នុងហាង D&T Salon ជារឿយៗ។

ម៉ានីតា បានរៀបអាពាហ៍ពិពាហ៍នៅថ្ងៃដើមខែមិថុនា ឆ្នាំ២០១៤ ជាមួយបុរសម្នាក់ជាអ្នកមានជីវភាពសមរម្យ។ នាងបានប្រកាសភ្លាមៗថា បញ្ចប់ជីវិតសិល្បៈរបស់ខ្លួន ដោយគ្មានគម្រោងវិលវិញនោះទេ ខណៈមុខរបរផ្ទាល់ខ្លួនចាប់ផ្ដើមដំណើរការទៅហើយ និងខ្លាចស្វាមីមានការប្រចណ្ឌ។ ជំហានបន្ទាប់របស់ ម៉ានីតា គឺផ្សព្វផ្សាយព័ត៌មាននេះ ទៅកាន់អ្នកធ្លាប់រួមអាជីពឲ្យបានដឹងបន្ថែមទៀត ហើយផែនការបន្ត គឺពង្រីកហាងធំជាងមុន៕