អ្នកគាំទ្រខឹងសម្បារភាពយន្តវៀតណាមយករូបសមាជិក TVXQ ទៅថតឈុតបុណ្យសព

2015-09-06 17:14:57
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកគាំទ្ររបស់ក្រុមតារាចម្រៀងកូរ៉េ TVXQ ក្នុងប្រទេសវៀតណាមកំពុងមានការខឹងសម្បារមិនពេញចិត្ត ដោយពូកគេបានចោទទៅភាពយន្តរបស់វៀតណាមមួយយករូបសមាជិកក្រុម TVXQ Changmin ទៅថតឈុតក្នុងបុណ្យសព។

អ្នកគាំទ្រមួយក្រុមនោះមានឈ្មោះថា “PBB Cassie” បានតវ៉ាទៅភាពយន្តវៀតណាមមួយដែលមានចំណងជើងថា “Thề không gục ngã” ថាពួកគេបានប្រើប្រាស់រូប Changmin កាលពីនៅក្មេងយកទៅថតវគ្គធ្វើបុណ្យសព។

យោងតាមវិបសាយ Instiz បានឲ្យដឹងថា អ្នកគាំទ្រស្មោះស្ម័គ្ររបស់ក្រុម TVXQ ទាំងនោះបានធ្វើការតវ៉ាផ្ទាល់ទៅផលិតកម្មដែលជាអ្នកផលិតរឿង “Thề không gục ngã” ប៉ុន្តែខាងផលិតកម្មនៅស្ងៀមមិនទាន់មានការឆ្លើយតបយ៉ាងណានោះទេ។

យ៉ាងណាក្ដីនេះគ្រាន់តែជាការលើឡើងរបស់អ្នកគាំទ្រ ប៉ុន្តែសាមីខ្លួន(Changmin)និងក្រុមហ៊ុនផលិតរឿងខាងលើមិនទាន់ចេញមកបញ្ជាក់អំពីរូបថតនេះនៅឡើយ។

ប្រែសម្រួល៖ ហេង សុធារិទ្ធិ ប្រភព៖ koreaboo