ជំនាញសំណង់ស៊ីវិលនិងស្ថាបត្យកម្មសិក្សាខុសគ្នាដូចម្ដេច?

2015-09-11 18:18:02
ចំនួនមតិ 0 | ចំនួនចែករំលែក 0

ចន្លោះមិនឃើញ

សិស្សនិស្សិតនៅមានមន្ទិលសង្ស័យ និងមួយចំនួនក៏ភាន់ច្រឡំរវាងការសិក្សាមុខជំនាញពីរគឺសំណង់ស៊ីវិល និងស្ថាបត្យកម្ម។ ជាជំនាញដែលកំពុងមានសក្តានុពលខ្ពស់លើទីផ្សារការងារ ជាមួយការសាងសង់សំណង់ជាច្រើន Sabay លើកពីជំនាញដ៏សំខាន់សំណង់ស៊ីវិលនិងស្ថាបត្យកម្មការសិក្សាយ៉ាងដូចម្ដេចនិងខុសគ្នាយ៉ាងណាខ្លះ?

វិស្វកម្មសំណង់ស៊ីវិលការសិក្សាផ្តោតសំខាន់លើការសាងសង់ហេដ្ឋារចនាសម្ព័ន្ធមាន សំណង់ អាគារ ស្ពានថ្នល់ជាដើម។

ជំនាញសំណង់ស៊ីវិល សិក្សាទៅលើភាពធន់នៃសម្ភារៈ ការវិភាគនិងគណនាគ្រឿងបង្គំ (ដែក បេតុងអាម៉េ) គណនាគ្រឹះសំណង់ សិក្សានិងគណនាស្ពាននិងថ្នល់គ្រប់គ្រងការដ្ឋានសំណង់ និងសំណង់សិល្បៈការណ៍នានា។ មុខជំនាញនេះ ការសិក្សាអាចមានរយៈពេល ៤ ទៅ ៥ ឆ្នាំសម្រាប់ថ្នាក់បរិញ្ញាបត្រ។

ចំណែកស្ថាបត្យកម្ម ជាជំនាញឯកទេសផ្តោតសំខាន់ទៅលើការបង្កើតប្លង់សំណង់អាគារទាំងខាងក្នុងនិងខាងក្រៅ ព្រមទាំងការរៀបចំប្លង់នគរោបនីយកម្ម។ គ្រប់យ៉ាងដែលសាងឡើងរាប់តាំងពីផ្ទះ អគារ ពហុកីឡាដ្ឋាន រហូតដល់ផ្លូវថ្នល់កើតឡើងពីការគូសប្លង់ដែលនោះជាជំនាញស្ថាបត្យកម្ម។

មុខជំនាញនេះដែរការសិក្សារយៈពេលពី ៤ ទៅ ៥ ឆ្នាំសម្រាប់ថ្នាក់បរិញ្ញាបត្រ។

អត្ថបទ៖ ប៊ុណ្ណារ៉ា