Big Photography Challenge បង្កើនទំនុកចិត្តបេក្ខជនចូលរួម Canon PhotoMarathon 2015

2015-09-17 19:18:35
ចំនួនមតិ 0 | ចំនួនចែករំលែក 0

ចន្លោះមិនឃើញ

បេក្ខជនម្នាក់ៗបានបង្ហាញជំនឿការចូលរួមកម្មវិធី Big Photography Challenge ថាជាការពង្រឹងសមត្ថភាពក្នុងដំណើរឆ្ពោះទៅកាន់ការប្រកួត Canon PhotoMarathon 2015 ដ៏ធំនៅដើមខែតុលានេះ។

ស្នាដៃលោក វង្ស សុភក្រ្ត័ ផ្តល់ឲ្យ

លោក ប៊ិន ស័កវិសាល បេក្ខជនមួយរូបដែលបានចូលរួមកម្មវិធី Big Photography Challenge បានហៅការចូលរួមប្រកួតប្រជែងនេះទៅការលត់ដំខ្លួន មុនចូលរួមការប្រកួតថតរូបដ៏ធំ Canon PhotoMarathon 2015 នៅពេលខាងមុខ។

យុវជនរូបនេះថា ការចូលរួមការប្រកួតប្រជែងនេះ អាចធ្វើឲ្យបេក្ខជនបានសិក្សាពីសមត្ថភាពរបស់ខ្លួននិងខិតខំស្វែងរកគន្លឹះថ្មីៗលើប្រធានបទ ផ្សេងៗ ដែលអាចធ្វើឲ្យពួកគេបានដឹងពីកម្រិតបច្ចេកទេសបានល្អ ដើម្បីយកទៅប្រកួតប្រជែងបេក្ខជនដទៃទៀតដែលនឹងចូលរួមនៅព្រឹត្តិការណ៍ Canon PhotoMarathon 2015។

ជុំវិញលទ្ធផលសាលថា មិនហ៊ានសង្ឃឹមខ្ពស់ពេកទេ ប៉ុន្តែយ៉ាងណាលោកបានត្រៀមខ្លួនរួចរាល់និងស្វែងយល់បានច្រើនដែរតាមរយៈការចូលរួមBig Photography Challenge ដែលធ្វើឲ្យលោកកាន់តែជឿជាក់មុនទៅចូលរួមកម្មវិធី Canon PhotoMarathon នៅពេលខាងមុខ។

ចំណែកលោក វង្ស សុភ័ក្រ្ត ក៏ជាបេក្ខជនមួយរូបចូលរួមកម្មវិធី Big Photography Challenge ការចូលរួម Big Photography Challenge មានអត្ថប្រយោជន៍ច្រើនណាស់ដូចជាធ្វើលោកអាចបញ្ចេញនូវសមត្ថភាពទេពកោសល្យក៏ដូចជាការបណ្ដុះគំនិតច្នៃប្រឌិតការរៀនថតរូបបានកាន់តែប្រសើរ។

ការប្រកួតថតរូប The Big Photography Challenge មាន ៣ ប្រធានបទក្នុងការថតរូប។ អ្នកចូលរួមត្រូវផ្ញើរូបដែលល្អបំផុតរបស់ខ្លួន ជារៀងរាល់សប្ដាហ៍ដោយខាងក្រុមហ៊ុន i-Qlick ជាអ្នកជ្រើសរើសរូបភាពដែលល្អបំផុតចំនួន ៥ ដើម្បីទទួលបានការបន្ថែមពិន្ទុ។ ការរៀបចំការប្រកួត Big Photography Challenge ក៏ជាការត្រៀមសម្រាប់ការបើកការប្រកួតថតរូបដ៏ធំបំផុតប្រចាំឆ្នាំ Canon PhotoMarathon 2015 ដែលនឹងប្រព្រឹត្តិទៅនៅថ្ងៃទី ៤ ខែតុលាឆ្នាំ ២០១៥ ខាងមុខនេះ។

អត្ថបទ៖ ដារ៉ាឆានី