4Ki កែសម្រួលពុម្ភអក្សរខ្មែរនិងឈាននាំក្តារចុចខ្មែរប្រើលើ iOS

2015-09-18 17:58:44
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុន Apple ស្នើអ្នកអភិវឌ្ឍកម្មវិធីពុម្ភអក្សរខ្មែរកែតម្រូវលើបញ្ហា Errors មួយចំនួនក៏ដូចជាការរៀបសម្រួលអក្សរឲ្យកាន់តែស្អាតបន្ទាប់ពីមានបញ្ហា Erros លើការប្រើប្រាស់អក្សរខ្មែរនៅលើ iDevices។

ប្រធានក្រុម 4KhmeriPhone បានឲ្យដឹងជុំវិញបញ្ហានេះថា លោកកំពុងធ្វើការជាមួយក្រុមអ្នកអភិវឌ្ឍពុម្ពអក្សររបស់ក្រុមហ៊ុន Apple ព្រោះពុម្ពអក្សរខ្មែរនៅមានបញ្ហាមួយចំនួន ទោះបី Apple ព្រមដាក់ប្រើប្រាស់នៅលើ iDevice របស់ខ្លួនក៏ដោយ។

លោកថា បញ្ហាដែលកើតមានគឺពុម្ពអក្សរខ្មែរត្រូវការស្អាតជាងនេះ និងជួសជុលបញ្ហា Error ដែលត្រឹមត្រូវមានស្តង់ដារដើម្បីសម្រូលការប្រើប្រាស់កាន់តែងាយស្រួល។

ប្រធានក្រុមរួបនេះបន្តថា ការងារនេះធ្វើបានមួយរយៈមកហើយ ដូចនេះលោកសង្ឃឹមថានឹងរួចរាល់ក្នុងពេលឆាប់ៗនេះ។

បន្ថែមពីការកែសម្រួលពុម្ភអក្សរខ្មែរ ក្រុម 4KhmeriPhone ក៏កំពុងជួយជំរុញក្នុងការចេញក្ដារចុចខ្មែរដែលមានគំរូស្តង់ដាសម្រាប់ប្រើប្រាស់នៅលើ iOS។

នេះជា Mail ប្រធានក្រុម 4KhmeriPhone ទាក់ទងនឹងអ្នកបង្កើតពុម្ពអក្សររបស់ Apple

លោកបន្តថា នៅពេលដែលពុម្ពអក្សរខ្មែរចេញកំណែថ្មីដាក់ឲ្យប្រើប្រាស់ លោកក៏សុំឲ្យ Apple ពិចារណាអំពីក្ដារចុចវិញម្ដង។ លោកថា ពីមុនខាង Apple ទំនាក់ទំនងមកឲ្យជួយផ្ដល់ព័ត៌មានអំពីស្តង់ដារក្ដារចុចខ្មែរដែរ តែលោកគ្មានស្តង់ដារក្ដារចុចដែលទទួលស្គាល់ច្បាស់លាស់នៅឡើយ។ បញ្ហាមួយទៀតគឺអ្នកបង្កើតក្ដារចុចខ្មែរធ្វើឡើងផ្សេងៗគ្នាម្ល៉ោះហើយមិនដឹងថាមួយណាជាស្តង់ដារច្បាស់លាស់ទេ។ ដូចនេះពិបាកក្នុងការផ្ដល់ព័ត៌មានទៅ Apple វិញ តែលោកបានប្រមូលគំរូក្ដារចុចពីកុំព្យូទ័របង្កើតដោយ developers ខ្មែរផ្សេងៗទាំងប្រភេទក្ដារចុច Android និង iOS ដើម្បីយកមកចងក្រងប៉ុន្តែមិនទាន់ដឹងថាមួយណាជាស្តង់ដាររបស់ខ្មែរ។

ក្រុម 4khmeriPhone នឹងដាក់សំណើបន្ថែមដើម្បីបានក្តារចុចផ្លូវការលើប្រព័ន្ធប្រតិបត្តិការ iOS ជំនាន់ក្រោយ ក្នុងពេលកំពុងកែតម្រូវពុម្ពអក្សរខ្មែរឲ្យបានល្អប្រសើរ។

"យើងត្រូវធ្វើអ្វីតាមដំណាក់កាលមួយជំហានម្តងៗ។ យើងរង់ចាំកំណែពុម្ភអក្សរខ្មែរថ្មីចេញសិនទើបដំណើរការ សុំក្ដារចុចខ្មែរទៀត"។

អត្ថបទ៖ ដារ៉ាឆានី