អ៊ូ តារា ថា ចង់ធ្វើជាអ្នកដឹកនាំរឿង ជាជាងតួសម្ដែង

2015-09-23 16:44:37
ចំនួនមតិ 0 | ចំនួនចែករំលែក 0

ចន្លោះមិនឃើញ

“ខ្ញុំចង់ធ្វើជាអ្នកដឹកនាំរឿងច្រើនជាង ធ្វើជាតារាសម្ដែង ព្រោះវាអាចឲ្យខ្ញុំបញ្ចេញគំនិតពីក្បាច់គុនល្បុក្កតោអស់ពីចិត្ត តែបើធ្វើជាតារាសម្ដែងវិញ គឺធ្វើតែតាម Scrip តាមគេប៉ុណ្ណោះ។” តារាក្បាច់គុនរូបនេះប្រាប់ Sabay។

អ៊ូ ដារ៉ា បានឱ្យដឹងនៅមុននេះបន្តិចថា មូលហេតុមួយទៀតមកពីលោកបានប្រឡូកក្នុងវិស័យនេះដំបូងមិនមែនជាតារាសម្ដែងទេ តែជាអ្នកកាត់ត ដូចនេះហើយវាក៏ជាកត្តាមួយដែលធ្វើឲ្យ លោកចង់ធ្វើជាអ្នកដឹកនាំរឿងដែរ។

“ខ្ញុំចូលប្រឡូកក្នុងវិស័យសិល្បៈនេះអស់រយៈពេល ៥ ឆ្នាំហើយ តែអាជីពដំបូង គឺអ្នកកាត់ត ហើយជាតារាសម្ដែងនេះវិញទើបតែមួយឆ្នាំកន្លះប៉ុណ្ណោះ។ តាំងពីចូលដំបូងរហូតមកដល់បច្ចុប្បន្នខ្ញុំធ្លាប់មាន ៤ តួនាទី គឺ អ្នកកាត់ត អ្នកយកសំឡេង តួសម្ដែង និង ឥឡូវកំពុងតែធ្វើជា assistant director ក្នុងរឿង "សតិជាប់ទ្រុង” ដែលទើបចាប់ផ្ដើមថត។”

តារាសម្ដែងមានស្រុកកំណើតនៅខេត្តកំពង់ចាមរូបនេះ ធ្លាប់បានសម្ដែងជាតួឯកក្នុងរឿងហនុមាន ហើយនៅពេលខាងមុខលោកត្រៀមថតរឿង “បំបែកគុក” ឬ “Jail Break” របស់ផលិតកម្ម Westec Media ដែលរួមសម្ដែងជាមួយអ្នកលេងគុនចម្រុះរបស់ហូលីវូដ Jean Paul-Ly៕