ការអបអរពិធីបុណ្យសែនព្រះខែខុសៗគ្នារបស់ប្រជាជនចិន

2015-09-25 20:00:54
ចំនួនមតិ 0 | ចំនួនចែករំលែក 0

ចន្លោះមិនឃើញ

បើនិយាយពីបុណ្យសែនព្រះខែដែលនឹងមកដល់នៅថ្ងៃទី២៧ ខាងមុខហើយ តើរាល់ឆ្នាំអ្នកធ្វើអ្វីខ្លះដើម្បីអបអរពិធីបុណ្យធំរបស់ចិនមួយនេះ? បើមិនដឹងថាត្រូវធ្វើអ្វី ឥលូវយើងទៅមើលការអបអរដែលប្រជាជនចិនឧស្សាហ៍ធ្វើនៅថ្ងៃនោះ ហើយចាំគិតថា ធ្វើអ្វីតាមក្រោយវិញ។

គយគន់ព្រះចន្ទ

ការដឹងគុណព្រះចន្ទគឺមានតាំងពីជំនាន់រាជវង្សតាំងមកម្ល៉េះ (ចន្លោះពីឆ្នាំ ៦១៨-៩០៧នៃគ.ស)។ សព្វថ្ងៃប្រជាជននៅចិននៅតែសម្ដែងការដឹងគុណដល់ព្រះចន្ទនៅរដូវបុណ្យសែនព្រះដដែល។ ជាទូទៅគ្រួសារចិនតែងជួបជុំញ៉ាំអាហារពេលល្ងាចរួមគ្នានៅថ្ងៃធំនៃពិធីនេះ។ បន្ទាប់ពីញ៉ាំអាហារហើយ ពួកគេច្រើនជជែកគ្នាពីការងារ រឿងកូនចៅ និងគម្រោងអនាគត។ អ្នកខ្លះទៀតក៏ទៅដើរកម្សាន្តតាមឧទ្យាននានាដែលបានតុបតែងលំអគួរឲ្យទាក់ភ្នែកដើម្បីអបអរពិធីបុណ្យសែនព្រះខែ។

ញ៉ាំនំសែនព្រះខែ

ការញ៉ាំនំសែនព្រះខែជាការអបអរដែលមានប្រជាប្រិយជាងគេនៅថ្ងៃនោះ។ ពីបុរាណ នំសែនព្រះខែត្រូវបានធ្វើឡើងដោយប្រើគ្រឿងផ្សំដូចជា ម្សៅស្រូវសាឡី ស្ករ និងម្សៅគ្រាប់ឈូកជាដើម តែឥលូវរសជាតិរបស់វាគឺត្រូវបានផលិតឡើងយ៉ាងសម្បូរបែបទៅតាមការចូលចិត្តរបស់អ្នកញ៉ាំ (ចុចត្រង់នេះដើម្បីអានរសជាតិនំសែនព្រះខែច្រើនរសជាតិ)។ នំសែនព្រះខែជានិមិត្តរូបនៃការជួបជុំរបស់គ្រួសារ។ ពីបុរាណកាល នំនេះត្រូវកាត់ជាចំណែកៗទៅតាមចំនួននៃសមាជិកគ្រួសារដែលមាន។

បណ្តែតគោម និងបង្ហោះគោម

បើទោះជាគោមនៅពិធីបុណ្យសែនព្រះខែមិនសូវមានពណ៌ចម្រុះច្រើនដូចពិធីបុណ្យគោម តែក្មេងចូលចិត្តធ្វើគោមនឹងបណ្ដែតនៅលើទឹកលេងដើម្បីបង្កើតភាពរីករាយមួយកម្រិតទៀត។ ជារឿយៗពួកគេមិនទៅណាឆ្ងាយទេ រហូតដល់ពន្លឺគោមរលត់ក៏មាន។ ខ្លះទៀតធ្វើគោមបង្ហោះ ដើម្បីផ្សងសុំក្តីប្រាថ្នាដែលខ្លួនប៉ង។

ផ្ញើសារជូនពរ

ភាពជឿនលឿននៃបច្ចេកវិទ្យា ការអបអរពិធីបុណ្យនេះត្រូវបានធ្វើឡើងដោយមធ្យោបាយផ្សេងៗគ្នា។ យុវជនវ័យក្មេងរបស់ចិនតែងផ្ញើសារតាមទូរសព្ទ បណ្ដាញសង្គម និងមធ្យោបាយផ្សេងៗទៀតដើម្បីអបអរដល់គ្នាទៅវិញទៅមក។

ចុះអ្នកវិញ ឆ្នាំកន្លងៗមកធ្វើអ្វីដែលនៅថ្ងៃនោះ ហើយឆ្នាំនេះមានគម្រោងធ្វើអ្វីវិញ?