សប្ដាហ៍ចុងក្រោយ Big Photography Challenge រូបថតកាន់តែប្រជែងសម្រស់គ្នា
- 2015-09-29 21:26:33
- ចំនួនមតិ 0 | ចំនួនចែករំលែក 0
សប្ដាហ៍ចុងក្រោយ Big Photography Challenge រូបថតកាន់តែប្រជែងសម្រស់គ្នា
ចន្លោះមិនឃើញ
Big Photography Challenge 2015 បានឈានមកដល់សប្ដាហ៍ចុងក្រោយសម្រាប់ការប្រកួតប្រជែងរូបថតកាលពីសប្ដាហ៍មុននេះ។ រូបថតដ៏ស្រស់ស្អាតជាច្រើន ត្រូវបានបេក្ខជនផ្ញើមកចូលរួមប្រកួតប្រជែង ដែលរូបថតនីមួយៗបានបង្ហាញភាពស្រស់ស្អាតនិងការច្នៃប្រឌិតខ្ពស់ដែលធ្វើឲ្យគណៈកម្មការពិបាកក្នុងការផ្តល់ពិន្ទុ។
យ៉ាងណាឆ្លងកាត់ការពិនិត្យពីក្រុមអ្នកជំនាញក៏ដូចជាគណៈកម្មការរៀបចំ ក៏សម្រេចជ្រើសរើសបានរូបថតដែលជាប់ជារូបថតស្អាតបំផុតប្រចាំសប្តាហ៍នៅសប្ដាហ៍ចុងក្រោយនេះ។
រូបថតស្អាតបំផុតទាំង ៥ ប្រចាំសប្ដាហ៍ចុងក្រោយនេះ រូបថតនីមួយៗនឹងទទួលបានការថែម ២០ ពិន្ទុ។
ក្រោមប្រធានបទចំនួន ៣ មានប្រធានបទទីមួយ “រង្វង់”, ប្រធានបទទីពីរ “សម្រស់កម្ពុជា” និងប្រធានបទទី ៣ “ស្ត្រីកម្ពុជា” បេក្ខជនរាប់រយនាក់បានចូលរួមកម្មវិធីប្រកួតប្រជែងនេះ។ បេក្ខជនមួយចំនួនបានប្រឹងប្រែងថតប្រធានបទជាច្រើន ធ្វើយ៉ាងណាឲ្យរូបថតរបស់ខ្លួនអាចជាប់ក្នុងការជ្រើសរើសជារូបថតស្អាតបំផុតប្រចាំសប្ដាហ៍ ដើម្បីទទួលបានការថែមពិន្ទុ និងសន្សំពិន្ទុឲ្យបានខ្ពស់បំផុតដើម្បីមានឱកាសក្លាយជាជយលាភីក្នុងកម្មវិធី។ បន្ទាប់ពីបញ្ចប់ការប្រកួតប្រជែងរយៈពេល ៤ សប្តាហ៍ លទ្ធផលអ្នកដែលក្លាយជាជយលាភីបានពីការសន្សំពិន្ទុបានខ្ពស់ជាងគេនឹងប្រកាសនៅថ្ងៃស្អែកនេះ។
នេះជារង្វាន់សម្រាប់បេក្ខជនដែលមានពិន្ទុខ្ពស់ជាងគេនិងជាជយលាភីប្រចាំកម្មវិធី៖
-ម៉ាស៊ីនថត EOS 760 D -Canon EF ឡេន 50mm f/1.8II -កាបូបស្ពាយ Canon EOS – អាល់ប៊ុមរូបថតស្នាដៃអ្នកថតរូបល្បី TeohPengKee – ទឹកប្រាក់ ៣០០ ដុល្លារពីក្រុមហ៊ុន Sabayសម្រាប់អ្នកឈរលើលំដាប់កំពូលក្នុងតារាងពិន្ទុ – ឱកាសក្នុងការថតរូបក្របមុខសម្រាប់ទស្សនាវដ្ដី Sabay – ឱកាសហាត់ការងារនៅក្រុមហ៊ុន Sabay
Big Photography Challenge ជាការប្រកួតថតរូបតាមអនឡាញ ដែលរៀបចំឡើងក្រៅពីឲ្យបេក្ខជនមានឱកាសបង្ហាញសមត្ថភាពលើជំនាញថតរូបជាមួយឱកាសឈ្នះរង្វាន់ជាច្រើន កម្មវិធីនេះក៏ជួយបង្រៀនអ្នកចូលរួមមានយល់ដឹងបន្ថែមពីការថតរូប ដើម្បីបង្កើនសមត្ថភាពនិងជំនាញការថតរូបឲ្យកាន់តែល្អប្រសើរ។ ការរៀបចំព្រឹត្តិការណ៍ប្រកួត Big Photography Challenge ក៏ជាការត្រៀមសម្រាប់ការបើកការប្រកួតថតរូបដ៏ធំបំផុតប្រចាំឆ្នាំ Canon PhotoMarathon 2015 ដែលនឹងប្រព្រឹត្តិទៅនៅថ្ងៃទី ៤ ខែតុលាឆ្នាំ ២០១៥ ខាងមុខនេះ។
Big Photography Challenge រៀបចំឡើងដោយក្រុមហ៊ុន i-Qlick មានការសហការជាមួយ Sabay។ i-Qlick ជាភ្នាក់ងារចែកចាយស្របច្បាប់នូវផលិតផលប្រើប្រាស់ម៉ាក Canon ប្រចាំព្រះរាជាណាចក្រកម្ពុជា រួមមានម៉ាស៊ីនថតឌីជីថល ម៉ាស៊ីនថតឌីជីថលប្តូរកែវឡេនបាន សម្ភារៈកាមេរ៉ា ម៉ាស៊ីនថតបែបវីដេអូឌីជីថល និងសម្ភារៈប្រើប្រាស់ម៉ាក Canon ជាច្រើនទៀត។
អតិថិជននៅពេលជាវផលិតផលពី i-Qlick កុំភ្លេចសូមសួររកបណ្ណធានាផ្លូវការរយៈពេល ១៥ ខែ ដើម្បីធានាថាអ្នកពិតជាទទួលផលិតផលដែលមានគុណភាពនិងគួរឲ្យទុកចិត្តពីក្រុមហ៊ុន Canon។
អត្ថបទ៖ ប៊ុណ្ណារ៉ា