Canon PhotoMarathon 2015 ពីរថ្ងៃទៀតនឹងបើកជាផ្លូវការ

2015-10-02 16:43:39
ចំនួនមតិ 0 | ចំនួនចែករំលែក 0

ចន្លោះមិនឃើញ

ព្រឹត្តិការណ៍ប្រកួតថតរូបដ៏ធំបំផុតនៅប្រទេសកម្ពុជា Canon PhotoMarathon 2015 នៅសល់ពេលតែពីរថ្ងៃទៀតប៉ុណ្ណោះសម្រាប់ការបើកប្រកួតជាផ្លូវការ។ មានប្រិយមិត្តណាខ្លះ កំពុងរង់ចាំព្រឹត្តិការណ៍ប្រកួតថតរូបដ៏អស្ចារ្យនេះ?

Canon PhotoMarathon Cambodia 2015 ឆ្នាំនេះមានការរំពឹងទុកថានឹងមានអ្នកចូលរួមប្រមាណជាង ១០០០ នាក់ ហើយដែលអ្នករៀបចំប្រាប់ថាឆ្នាំនេះការរៀបចំកាន់តែពិសេសនិងអស្ចារ្យ ជាមួយរង្វាន់ដ៏សន្ធឹកសន្ធាប់។ Canon PhotoMarathon Cambodia 2015 បើកឱកាសដល់អ្នកស្រលាញ់ជំនាញការថតរូបអាចបង្ហាញ ទេពកោសល្យនិងភាពច្នៃប្រឌិតប្រកួតប្រជែងគ្នាលើប្រធានបទចំនួន ៣ ដែលគណៈកម្មការបានរៀបចំ ដើម្បីស្វែងរកអ្នកដែលមានសមត្ថភាពខ្ពស់ក្លាយជាជយលាភីក្នុងកម្មវិធី។

ព្រឹត្តិការណ៍នេះនឹងប្រព្រឹត្តិទៅនៅមជ្ឈមណ្ឌលកោះពេជ្រអគារ K & L នាថ្ងៃអាទិត្យ ទី ០៤ ខែតុលា ឆ្នាំ ២០១៥ ចាប់ពីម៉ោង៧ព្រឹក ដល់ម៉ោង៩យប់។

តោះ! រាប់ទាំងអស់គ្នារយៈពេលពីរថ្ងៃចុងក្រោយសម្រាប់ការបើកការប្រកួតថតរូបដ៏ធំបំផុតសម្រាប់ប្រទេសកម្ពុជា Canon PhotoMarathon 2015៕

អត្ថបទ៖ ប៊ុណ្ណារ៉ា