បេក្ខជន Canon PhotoMarathon 2015 ឆ្នាំនេះសមត្ថភាពខ្លាំងៗ ចៅក្រមភ្ញាក់ផ្អើលគ្រប់គ្នា

2015-10-05 19:00:14
ចំនួនមតិ 0 | ចំនួនចែករំលែក 0

ចន្លោះមិនឃើញ

ខុសពីបណ្ដាឆ្នាំមុនៗ ការប្រកួតថតរូប Canon PhotoMarathon 2015 កាន់តែអស្ចារ្យនិងពិសេសជាងឆ្នាំកន្លងទៅដោយមានអ្នកចូលរួមយ៉ាងច្រើនកុះករនិងរង្វាន់ក៏កាន់តែច្រើនសន្ធឹកសន្ធាប់។ អ្វីគួរកត់សម្គាល់អ្នកចូលរួមដែលជាយុវជនក្មេងៗស្រលាញ់ការថតរូបបានបង្ហាញសមត្ថភាពនិងអភិវឌ្ឍជំនាញថតរូបយ៉ាងប្រសើរសម្រាប់ការចូលរួមប្រកួតប្រជែងនៅឆ្នាំនេះ ដែលធ្វើឲ្យគណៈកម្មការគ្រប់គ្នាមានការភ្ញាក់ផ្អើលនិងចាប់អារម្មណ៍ជាខ្លាំង។

Canon PhotoMarathon 2015 មានប្រធានបទចំនួន ៣ ដែលតម្រូវឲ្យបេក្ខជនចូលរួមប្រកួតប្រជែងមានប្រធានបទទីមួួយ "ជីវិតនិងស្រមោល" ប្រធានបទីពីរ "សាមគ្គីភាព" និងប្រធានបទទីបី "មុខមាត់ថ្មីរបស់រាជធានីភ្នំពេញ"។ ការប្រកួតនេះមានការបែងចែកជាពីរគឺប្រភេទសិស្សសាលា (Student Category) ដែលមានអាយុក្រោម ១៨ ឆ្នាំ និងមហាជនទូទៅ (Public Category) ដោយប្រកួតនេះយកអ្នកឈ្នះចំនួន ១៨ នាក់សម្រាប់ជាជយលាភីប្រចាំកម្មវិធី។

សម្រាប់រង្វាន់និងរូបថតដែលជាប់ជយលាភី Canon PhotoMarathon 2015 Sabay នឹងផ្សាយជូននៅពេលរសៀលនេះ។

អត្ថបទ៖ ប៊ុណ្ណារ៉ា