មានអ្វីកើតឡើង បើចាប់ផ្ដើមញ៉ាំទឹកឃ្មុំរាល់ថ្ងៃ?

2015-10-16 21:50:11
ចំនួនមតិ 0 | ចំនួនចែករំលែក 0

ចន្លោះមិនឃើញ

ទឹកឃ្មុំមិនគ្រាន់តែជាឱសថធម្មជាតិដែលជួយរក្សាសម្រស់ឲ្យស្រស់ស្អាតប៉ុណ្ណោះ ប៉ុន្តែមានអត្ថប្រយោជន៍ជាច្រើនរាប់មិនអស់ទៀតសម្រាប់សុខភាព។ ខាងក្រោមនេះជាអត្ថប្រយោជន៍មួយចំនួនបើចាប់ផ្ដើមពិសាទឹកឃ្មុំរាល់ថ្ងៃ៖

១. ជួយកាត់បន្ថយជាតិហ្គាស (អាស៊ីត) មិនល្អក្នុងខ្លួន

ជាតិហ្គាស (អាស៊ីត) ក្នុងខ្លួនច្រើនបង្កឲ្យមានបញ្ហាសុខភាពដូចជាហើមពោះឬចុកឆ្អល់ក្រពះជាដើម។ ប៉ុន្តែប្រសិនបើមានអាការៈបែបនេះកើតឡើង ទឹកឃ្មុំក្ដៅឧណ្ណៗមួយពែងនឹងជួយបន្សាបបានឲ្យធូរស្បើយតាមធម្មជាតិ។

២. ជួយពង្រឹងប្រព័ន្ធភាពស៊ាំ ទប់ទល់ជំងឺ

ទឹកឃ្មុំសម្បូរដោយសារធាតុ អង់ស៊ីម វីតាមីន និងរ៉ែ ហើយជាពិសេសទៅទៀតនោះគឺសារធាតុប្រឆាំងនឹងបាក់តេរីមិនល្អក្នុងខ្លួន និងការពារប្រព័ន្ធស៊ាំក្នុងខ្លួនប្រឆាំងជំងឺបានយ៉ាងល្អ។ ប៉ុន្តែមានប្រសិទ្ធខ្ពស់នោះគឺអាស្រ័យលើទឹកឃ្មុំឆៅ ពីធម្មជាតិដែលជួយជាប្រយោជន៍ច្រើន។

៣. បន្សាបជាតិពុល

ទឹកឃ្មុំសុទ្ធលាយនឹងទឹកក្ដៅឧណ្ណៗក្លាយជាភេសជ្ជៈដែលជួយសម្អាតបន្សាបជាតិពុលចេញពីរាងកាយបានយ៉ាងប្រសើរ។ បន្ថែមទឹកក្រូចឆ្មារបន្តិចដើម្បីឲ្យកាន់តែមានប្រសិទ្ធភាព។

៤. ជួយឲ្យស្បែកភ្លឺស្រស់ថ្លា

ទឹកឃ្មុំមានសារធាតុប្រឆាំងអុកស៊ីតកម្មពីធម្មជាតិជួយសម្អាតជាតិពុលក្នុងខ្លួន។ លើសពីនេះវាមានសារធាតុប្រឆាំងបាក់តេរីជួយរក្សាស្បែកឲ្យស្អាតនិងស្រស់ថ្លាមិនស្រអាប់។

៥. សម្រកទម្ងន់

មានសារជាតិស្ករក្នុងទឹកឃ្មុំប៉ុន្តែមិនមែនស្ករសនោះទេគឺជាតិស្ករធម្មជាតិដែលល្អសម្រាប់សុខភាព។ សារធាតុស្ករពីធម្មជាតិនោះគឺជួយបំបាត់ចំណង់ជាតិផ្អែមមិនល្អដូចជា បង្អែម នំខេក ស្ករសូកូឡា ភេសជ្ជៈប៉ូវកម្លាំងជាដើម។ បន្ថែមពីនេះទឹកឃ្មុំជួយផ្ដល់កម្លាំងឲ្យរាងកាយបានប្រសើរ។

៦. បំបាត់ឈឺក ឬស្អា ក

ស្អាបំពង់ក ឈឺក ទឹកឃ្មុំក្ដៅឧណ្ណៗជួយបាន។ ទឹកឃ្មុំជាឱសថធម្មជាតិសម្រាប់ព្យាបាលជំងឺក្អក បានផងដែរ

៧. រក្សាកម្រិតជាតិស្ករក្នុងឈាមឲ្យនៅថេរ

ទឹកឃ្មុំមានសារធាតុស្ករពីធម្មជាតិល្អសម្រាប់សុខភាព។ តួយ៉ាងសារធាតុមួយចំនួនរួមបញ្ចូលគ្នាក្នុងទឹកឃ្មុំដូចជា Fructose និង Glucose ជួយរក្សាតុល្យភាពកម្រិតជាតិស្ករក្នុងរាងកាយនិងកាត់បន្ថយកាល់ឡូរីដែលធ្វើឲ្យធាត់បាន។

៨. បង្ការពីជំងឺបេះដូង

តាមការស្រាវជ្រាវច្រើនបង្ហាញថា ទឹកឃ្មុំមានសារធាតុប្រឆាំងអុកស៊ីតកម្ម ដែលអាចជួយបង្ការ និងកាត់បន្ថយហានិភ័យនៃជំងឺបេះដូងកើតឡើងដោយវាកាត់បន្ថយកម្រិតអុកស៊ីតកម្ម និងសារធាតុកូឡេស្តេរ៉ូលអាក្រក់នៅក្នុងឈាម៕