អ៊ូ តារា សំណូមពរទស្សនិកជនកុំច្រឡំវីដេអូក្រុមល្បុក្កតោខ្មែរ ថាជារបស់បរទេស
- 2015-10-19 14:58:37
- ចំនួនមតិ 0 | ចំនួនចែករំលែក 0
អ៊ូ តារា សំណូមពរទស្សនិកជនកុំច្រឡំវីដេអូក្រុមល្បុក្កតោខ្មែរ ថាជារបស់បរទេស
ចន្លោះមិនឃើញ
លោក អ៊ូ តារា ដែលជាតារាសម្ដែង និងគ្រូបង្ហាត់ក្បាច់គុនល្បុក្កតោខ្មែរបានប្រាប់ឲ្យដឹងថា ពេលដែលលោកបង្ហោះវីដេអូ Bokator Stunt Team [SHOW REEL 2015] តែបែរជាមានមនុស្សមួយចំនួនយល់ច្រឡំថានោះជាវីដេអូវ៉ៃតប់របស់ពួកបរទេសទៅវិញ។
ថ្លែងមកកាន់ Sabay របៀបអន់ចិត្តថា៖ "មានមនុស្សមួយចំនួនធំបានភ័ន្តច្រឡំថា វីដេអូនោះ គឺជា វីដេអូ របស់ជនបរទេស តែតាមការពិតនោះជាវីដេអូ កូនខ្មែរសោះ។” លោកបានបន្តថា វីដេអូនោះ គឺបង្ហាញពីឈុតដែលក្រុមល្បុក្កតោសម្ដែងក្នុងខ្សែភាពយន្តជាច្រើនកន្លងមក ហើយលោកទើបបានកាត់បញ្ចូលគ្នាធ្វើវីដេអូខ្លីមួយក្នុងពេលថ្មីៗនេះប៉ុណ្ណោះ។
គ្រូបង្ហាត់ល្បុក្កតោ ខាងលើសុំសំណូមពរដល់បងប្អូនខ្មែរថា៖ "សុំបងប្អូនទាំងអស់ជឿទៅថា ជនជាតិខ្មែរមិនអន់ទេ ហើយវីដេអូនេះ គឺជា ស្នាដៃកូនខ្មែរពិតៗ។” កូនសិស្សលោកគ្រូក្រមាមាស សាន គឺមស៊ាន រូបនេះបានបន្តទៀតថា រូបលោក គឺជា អ្នកកាត់ត និង ជាអ្នកបង្ហោះហើយក៏ឃើញមានមនុស្សមួយចំនួននិយាយថា នេះជាវីដេអូរបស់បរទេស និងខ្លះទៀតនិយាយថា ស្មានថា នេះជាវីដេអូរបស់ពួកក្រុមអ្នកថតកុននៅបរទេស ជាដើម។
“ពេលឃើញដូចនេះខ្ញុំពិតជាអន់ចិត្តមែនទែន។ ហេតុអ្វីក៏ពួកគាត់ឲ្យតម្លៃលើបរទេសខ្លាំងម្ល៉េះ ម្ដេចក៏គិតថាខ្មែរ គ្មានសមត្ថភាពសម្ដែងបែបនេះទៅវិញ៕ ”
អត្ថបទ៖ទ្រី រ៉ាវី រូបភាព៖ គណនី Facebook អ៊ូ តារា
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
