ការប្រើប្រាស់ភាសាខ្មែរនៅលើអ៊ីនធឺណិត មានការពេញនិយមកម្រិតណា?

2015-11-02 16:38:00
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅលើអ៊ីនធឺណិតជាពិសេសបណ្ដាញសង្គម Facebook ឃើញថាការប្រើប្រាស់ភាសាខ្មែរកាន់តែច្រើនឡើង ប៉ុន្តែមានពលរដ្ឋខ្មែរជាច្រើននៅតែមានទំនោរលើការប្រើប្រាស់ភាសាបរទេស។

កំពុងអង្គុយនៅក្នុងចំណតរថយន្តក្រុងក្បែរសាកលវិទ្យាល័យជាតិគ្រប់គ្រងកញ្ញា ស្រីពេជ្រ បានប្រាប់ Sabay ថា កញ្ញាមិនសូវបានប្រើប្រាស់ភាសាខ្មែរច្រើនទេនៅលើអ៊ីនធឺណិត ភាគច្រើនភាសាអង់គ្លេស។

កញ្ញាបន្តថា កញ្ញានិយមប្រើប្រាស់ភាសាអង់គ្លេសទាំងការសរសេរនិងទំនាក់ទំនងគ្នា ដោយសារភាសាអង់គ្លេសប្រើមានភាពងាយស្រួល លឿនមិនសូវស្មុគស្មាញ។ ដូចនៅលើបណ្ដាញសង្គម កញ្ញានិយមប្រើអក្សរឡាតាំង ឬភាសាអង់គ្លេសសំនៀងខ្មែរដែលភាសាសាមញ្ញហៅថាសីងខ្មែរដើម្បីទំនាក់ទំនងនិងជជែកជាមួយមិត្តភ័ក្ដិ។

លើកហេតុផលដូចកញ្ញាស្រីពេជ្រដែរ សម្ជស្ស និស្សិតសាកលវិទ្យាល័យវិទ្យាសាស្ត្រសុខាភិបាលឲ្យដឹងថា ដោយសារមានភាពស្មុគស្មាញកញ្ញាចូលចិត្តប្រើប្រាស់ភាសាអង់គ្លេសជំនួសឲ្យការប្រើប្រាស់ភាសាខ្មែរនៅពេលត្រូវការទំនាក់ទំនងនិងជជែកជាមួួយមិត្តភ័ក្តិនៅលើបណ្តាញសង្គម Facebook។

យ៉ាងណា បញ្ញា បានជំរុញឲ្យពលរដ្ឋងាកមកគាំទ្រនិងប្រើប្រាស់ភាសាខ្មែរឲ្យអស់លទ្ធភាពដើម្បីបង្ហាញពីការផ្តល់តម្លៃនិងលើកកម្ពស់ការប្រើប្រាស់ភាសាជាតិ។

យុវជនរូបនេះបន្តថា លោកចង់ឲ្យមានការផ្លាស់ប្ដូរឲ្យពលរដ្ឋងាកមកគាំទ្រនិងចូលរួមប្រើប្រាស់ភាសាខ្មែរឲ្យបានកាន់តែច្រើនទាំងនៅលើ Facebook, បណ្ដាញសង្គមផ្សេងៗ និងនៅលើអ៊ីនធឺណិត ដើម្បីបង្ហាញពីការគាំទ្រធ្វើឲ្យអក្សរសាស្ត្រជាតិកាន់តែមានតម្លៃនិងការអភិវឌ្ឍឆ្ពោះទៅមុខ។

ចំណែកលោកពូ វុធ ដែលកំពុងអង្គុយលេងអ៊ីនធឺណិតនៅក្បែរសាលាពេទ្យប្រាប់ Sabay ថា៖ "ខ្ញុំមិនចេះអង់គ្លេសទេ ដូច្នេះការប្រើប្រាស់ភាសាខ្មែរជាជម្រើសរបស់ខ្ញុំ"។

លោកសំណូមពរដល់អ្នកប្រើប្រាស់អ៊ីនធឺណិតក៏ដូចជាអ្នកលេង Facebook ព្យាយាមប្រើប្រាស់អក្សរខ្មែរឲ្យអស់លទ្ធភាព ដើម្បីជួយសម្រួលដល់ការប្រើប្រាស់របស់ពលរដ្ឋក៏ដូចជាចូលរួមចំណែកលើកកម្ពស់មុខមាត់អក្សរសាស្ត្រជាតិ។

ជាក់ស្ដែង មានប្រិយមិត្តក្នុងបណ្ដាញសង្គម Facebook ជាច្រើនក៏មានការសំណូមពរដល់អ្នកប្រើប្រាស់ រួមគ្នាសរសេរអក្សរខ្មែរឲ្យបានច្រើន ចៀសវាងសរសេរអក្សរបរទេសជាសំនៀងខ្មែរក្នុង Facebook។

បន្តអាន៖ ស្ថាបនិកខ្មែរយូនីកូដជំរុញពលរដ្ឋប្រើប្រាស់អក្សរខ្មែរឲ្យអស់លទ្ធភាព

អត្ថបទ៖ រក្សា

ពាក្យទាក់ទង

មតិជុំវិញបច្ចេកវិទ្យា

អត្ថបទពេញនិយម

ដំណើរជីវិត អ៊ុងអ៊ីង នាយករដ្ឋមន្រ្តីវ័យក្មេងបំផុត ក្នុងប្រវត្តិសាស្រ្ត របស់ប្រទេសថៃ

ពីអាគារចាស់ សល់ពី សម័យប៉ុល ពត ក្លាយទៅជាភូមិគ្រិះ ព័ទ្ធដោយសួនធម្មជាតិ យ៉ាងមនោរម្យ!

កាន់តែទាក់ទាញ ទេសចរណ៍នៅសៀមរាប ម៉តូធំអូសរម៉កបំពាក់បាសធំៗត្រៀមជូនភ្ញៀវដើរលេងកម្សាន្ត

កម្ពុជា ជាទីផ្សារនាំចេញប្រេងឥន្ធនៈធំបំផុតទី២ របស់ប្រទសថៃ

ក្រសួងប្រៃសនីយ៍ និងទូរគមនាគមន៍ ជូនដំណឹងស្ដីពីកំណើនឡើង ការវាយប្រហារសាយប័រ

រូបចម្លាក់ “ព្រះមហាក្សត្រ ព្រះបាទជ័យវរ្ម័នទី៧ ប្រយុទ្ធជាមួយតោ” ដាក់តាំង នៅ Garden by the Bay ដ៏ល្បីល្បាញ នៅសិង្ហបុរី

អត្ថបទថ្មី

កុំរង់ចាំយូរ! ងាកមកប្រើប្រាស់អេប Wing Bank ស្កេន QR ដកប្រាក់ដោយឥតគិតថ្លៃ និង គ្មានដែនកំណត់

កម្មវិធីដាំដើមឈើ Green Oasis ចូលរួមចំណែកជាមួយសហគមន៍នៅជ្រោយចង្វារ

រយៈពេល ៨ ខែភ្ញៀវទេសចរបរទេស មកទស្សនារមណីយដ្ឋានអង្គរជិត ៦៧ ម៉ឺននាក់

លោកជំទាវ ជា សេរី ទទួលបានចំណាត់ថ្នាក់ A- ពី Global Finance សម្រាប់ភាពជោគជ័យក្នុងការដឹកនាំ

អង្គរវត្តត្រូវបាន TripAdvisor ជ្រើសរើសជាតំបន់ទេសចរណ៍ លេខមួយ នៅអាស៊ី ប្រចាំឆ្នាំ ២០២៥

ម៉ាឡេស៊ី បង្ហាញការគាំទ្រក្នុងការពង្រីកគម្រោងបៃតង នៅកម្ពុជា