ហាត់ប្រាណ៣របៀប សម្រាប់បុរសៗចង់បានសាច់ដុំស្មាបើក មើលទៅសង្ហារ

2015-11-02 21:53:52
ចំនួនមតិ 0 | ចំនួនចែករំលែក 0

ចន្លោះមិនឃើញ

សាច់ដុំក្បាលពោះ៦កង់ (Six Packs) សាច់ដុំទ្រូង ឬសាច់ដុំស្មាបើករីកធំ សុទ្ធសឹងជាក្ដីប្រាថ្នារបស់សុភាពបុរសទាំងឡាយ។ កន្លែងសាច់ដុំផ្នែកនៃរាងកាយទាំងអស់នេះ ដែលធ្វើឲ្យបុរសមានរូបរាងសង្ហារ និងទាក់ទាញ។ ដោយឡែកចំពោះការហាត់យកសាច់ដុំផ្នែកនៃស្មាឲ្យបើកធំ ពាក់អាវឲ្យមើលទៅរាងសង្ហារ អ្នកអាចសាកវិធី៣យ៉ាង ដែលណែនាំដោយវិបសាយ Muscle and Fitness និង Mens Finess ដូចខាងក្រោម៖

១. លើកដុំទម្ងន់ដោយកាយវិការញាក់ស្មា (ដូចរូបខាងក្រោម)

លើកឧបករណ៍ដុំដែកទម្ងន់ដោយការញាក់ស្មា ជួយឲ្យសាច់ដុំស្មារីកឡើងធំល្អ។ កាន់របារដុំទម្ងន់រួចធ្វើកាយវិការញាក់ស្មាឡើងលើ ធ្វើបែបនេះ២០ដង ដោយរយៈពេលនៃការញាក់ស្មាគឺ១វិនាទីម្ដង។ សម្រាក រួចធ្វើបែបនេះឡើងវិញយ៉ាងហោចណាស់បីទៅបួនដងក្នុងមួយថ្ងៃ។

ប្រសិនបើមានដុំដែកទម្ងន់តូចៗពីរកាន់ដៃ កាន់វាដោយដៃទាំងសងខាង រួចប្រើកម្លាំងលើកដុំទម្ងន់កម្ពស់លើក្បាល និងញាក់ស្មារយៈពេល១វិនាទី។ ធ្វើបែបនេះ៥ដង និងសម្រាក៨ដង ក្នុង១ដងរយៈពេល១នាទី។

២. ប្រើកម្លាំងស្មាលើកដុំទម្ងន់ផ្នែកខាងមុខ និងផ្នែកខាង

ប្រើកម្លាំងលើកដុំដែកទម្ងន់ដោយគ្រប់ផ្នែកខាងនៃស្មា ដោយធ្វើចលនាអោនត្រឹមកន្លែងកែងដៃ និងរក្សាការលើកដុំទម្ងន់នៅទីតាំងដដែល។ ងើបពីអោនដោយរក្សាទីតាំងលើកដុំទម្ងន់ដដែល។ ធ្វើដូចរូបខាងក្រោម៖

៣. លើកដុំទម្ងន់ដោយអង្គុយ

កាន់ដុំដែកទម្ងន់ដៃទាំងសងខាង និងអង្គុយលើកៅអីឬជើងម៉ា ប្រើកម្លាំងលើកដុំទម្ងន់ឡើងលើត្រឹមស្មានិងផុតក្បាល។ ធ្វើបែបនេះចុះឡើងចំនួន១២ទៅ១៥ដង សម្រាករយៈពេល១នាទី ធ្វើសាឡើងវិញសរុបចំនួនបីដង។ គប្បីរក្សាទម្ងន់ដុំដែកដែលនៅដដែលមិនផ្លាស់ប្ដូរ។