Canon ពង្រីកទីផ្សារ បំពេញតម្រូវការអតិថិជនក្នុងស្រុក

2015-11-03 19:12:11
ចំនួនមតិ 0 | ចំនួនចែករំលែក 0

ចន្លោះមិនឃើញ

ហាងលក់ផលិតផល Canon ថ្មីមួយទៀតបានពង្រីកនៅតំបន់សក្ដានុពលទួលគោក ដែលបានបង្កើតឡើងដើម្បីបំពេញតម្រូវការកាន់តែងាយស្រួលរបស់អតិថិជន ដែលត្រូវការស្វែងរកផលិតផលម៉ាក Canon ដែលប្រកបដោយគុណភាព និងទំនុកចិត្តសម្រាប់ប្រើប្រាស់។

កញ្ញា សូហ្វី តាន់ អ្នកចាត់ការទូទៅរបស់ហាង Canon image Square បានថ្លែងក្នុងពិធីសម្ពោធកាលពីម្សិលមិញថា ហាង Canon image Square ជាហាងដំបូងបំផុតបង្កើតឡើងនៅក្នុងប្រទេសកម្ពុជា ដែលមានលក់កាមេរ៉ាម៉ាក Canon និងកែវឡេនគ្រប់ប្រភេទជាផលិតផលសុទ្ធ១០០% ដែលមានការធានានិងទទួលស្គាល់ពីក្រុមហ៊ុន Canon។

កញ្ញាថា ការបើកនៅតំបន់ទួលគោកជាតំបន់សក្តានុពល កញ្ញាសង្ឃឹមថានឹងផ្តល់ភាពងាយស្រួលនិងអាចនាំយកពិភពនៃការថតរូបមកដល់កាន់តែជិតដល់អតិថិជន។

នៅ Canon image Square អតិថិជនអាចស្វែងរកម៉ាស៊ីនថតខ្នាតតូច ម៉ាស៊ីនថត Mirrorless, ម៉ាស៊ីនថតអាជីព, កែវឡេន, ភ្លាស់, ម៉ាស៊ីនបោះពុម្ព, និងគ្រឿងបន្ទាប់បន្សំសម្រាប់ប្រើជាមួយម៉ាស៊ីនថតរូប។ យ៉ាងណា Canon image Square មិនត្រឹមតែជាកន្លែងលក់ម៉ាស៊ីនថត កែវឡេន និងគ្រឿងបន្ទាប់បន្សំតែក៏ជាកន្លែងដែលអតិថិជនអាចស្វែងរកដំណោះស្រាយ ដំបូន្មាននិងផ្តល់ជំនួយ និងអាចតេស្តសាកល្បងមុនពេលទិញយកទៅប្រើប្រាស់។

លោក ជិន រតនា បុគ្គលិកជាន់ខ្ពស់ក្រុមហ៊ុន iQlick ជាក្រុមហ៊ុនគ្រប់គ្រងហាង Canon image Squareប្រាប់ថា Canon image Square នឹងនាំវិស័យថតរូបនៅកម្ពុជាឈានដល់ជំហានថ្មីមួយទៀត។ ទស្សនវិស័យរបស់ Canon image Square គឺការនាំបទពិសោធន៍ដ៏អស្ចារ្យដល់អតិថិជន និងគោលបំណងក្លាយជាមជ្ឈមណ្ឌលសម្រាប់ថតរូបដ៏មមាញឹក។

លោកថា អតិថិជនអាចមក Canon image Square ដើម្បីធ្វើតេស្តកាមេរ៉ានិងកែវឡេនគ្រប់ប្រភេទ។ លើសពីនេះហាងមានកន្លែងតាំងម៉ាស៊ីនបោះពុម្ព ដែលអតិថិជនអាចត្រួតពិនិត្យបន្ថែមដោយខ្លួនឯងនិងក៏មានបុគ្គលិកជំនាញរង់ចាំពន្យល់ណែនាំ ដើម្បីសម្រេចចិត្តបានត្រឹមត្រូវមុនពេលជាវឧបករណ៍ណាមួយ ដែលសមស្របតាមតម្រូវការសម្រាប់ប្រើប្រាស់ក្នុងការថតរូប។