នារីម្នាក់មុខដូច Miley Cyrus ធ្វើឲ្យគេច្រឡំស្ទើរតែគ្រប់គ្នាសូម្បីតែឪពុក

2015-11-12 19:02:40
ចំនួនមតិ 0 | ចំនួនចែករំលែក 0

ចន្លោះមិនឃើញ

វាជារឿងដែលគួរឲ្យភ្ញាក់ផ្អើលមួយ ដោយមាននារីម្នាក់មានមុខមាត់ស្ទីលលេងខ្លួនស្ទើរតែដូចតារាចម្រៀង Miley Cyrus និងធ្វើឲ្យអ្នកគាំទ្រតារាស្រីរូបនេះច្រឡំគ្រប់គ្នា។

Miley Cyrus ឆ្វេង Mardee Shackleford ស្ដាំ

នារីដែលមានមុខដូចម្ចាស់បទ "Wrecking Ball” មានឈ្មោះថា Mardee Shackleford អាយុ២១ឆ្នាំរស់នៅរដ្ឋ California សហរដ្ឋអាមេរិក។ រាល់ពេល Mardeeដើរតាមផ្លូវឬចូលក្នុងក្លឹបកម្សាន្តម្ដងៗមានមនុស្សម្នាតែងច្រឡំថាជា Miley Cyrusហើយថែមទាំងសុំថតជាមួយទៀតផងនិងចោមរោម រហូតដល់សន្តិសុខចេញមកការពារទៀត។

នារីវ័យក្មេងរូបនេះបានបញ្ចេញអារម្មណ៍សប្បាយចិត្តថា៖"ជា៣ទៅ៤លើក ពេលខ្ញុំអង្គុយក្នុងឡានពេលស្ទះចរាចរណ៍ ពេលនោះមានមនុស្សជាច្រើនបើកញ្ចក់ឡានមើលមកខ្ញុំ ហើយមានក្មេងៗស្រែកថា "Miley"។ ពេលខ្លះខ្ញុំមានអារម្មណ៍ថាដូចជាតារាល្បីមួយរូប។ វាពិតជាមានសេចក្ដីរីករាយណាស់សម្រាប់ខ្ញុំ។

Mardee Shackleford

Mardee ចាប់ផ្ដើមឃើញរូបរាងខ្លួនឯងដូចតារាស្រីសិចស៊ី Miley នៅអាយុ១៤ឆ្នាំ។ សូម្បីតែមិត្តប្រុសរបស់នាងក៏សរសើរថា នាងមានរូបរាងដូចតារាស្រីខាងលើដែរ។ ដំបូង Mardee មិនមែនជាអ្នកគាំទ្ររបស់ Mileyទេ តែពេលតារាស្រីនេះចេញអាល់ប៊ុម Bangerz កាលពីឆ្នាំ២០១៣ នាងក៍ចាប់ផ្ដើមចូលចិត្តតែម្ដង។

កាលខួបកំណើតអាយុ២០ឆ្នាំ Mardee Shackleford បានទិញសំបុត្រចូលមើលការប្រគំតន្ត្រីរបស់ Miley Cyrus ។ ពេលនោះមានមនុស្សជាច្រើនតាមចោមរោមដោយស្មានតែ Miley ភ្លាមនោះឪពុករបស់ Mileyមានឈ្មោះថា Billy Ray Cyrus បានទាញដៃនាងចេញពីហ្វូងមនុស្សនិងភ្ញាក់ផ្អើលយ៉ាងខ្លាំង ពេលឃើញនាងមានមុខដូចកូនស្រីរបស់ខ្លួន។ ហើយពួកគេក៏បានថតរូបទុកជាអនុស្សាវរីយផងដែរ ៕