HTC One A9 ដែល​មាន​រាង​ស្រដៀង​គ្នា​ទៅ​នឹង iPhone 6/6 Plus ស្ទើរ​តែ១០០% នោះ បាន​មក​ដល់​កម្ពុជា​ហើយ ដោយ​ដាក់​លក់​ក្នុង​តម្លៃ​ប្រហែល ៥៥០ដុល្លារ (សម្រាប់​មេម៉ូរី​ទំហំ 32GB និង​ RAM 3GB)។

លោក សុខ លី​ម្ចាស់​ហាង លក់​ទូរសព្ទ​ដៃ​ទំនើប សុខ លី បាន​ឱ្យ​ដឹង​ថា ហាង​របស់​លោក​ទើបដាក់​​លក់​ HTC One A9 នេះ​ប្រហែល ៣ ថ្ងៃ ហើយ​ក៏​​មាន​ប្រិយមិត្ត​មក​រក​​ទិញ​ជា​ហូរហែ​។

រូបរាង​របស់ HTC One A9 ត្រូវ​បាន​​​​មតិ​មួយ​ចំនួន​គិត​​ថា បាន​ចម្លង​មួយ​ផ្នែក​​​ពី iPhone 6/6 Plus (ផ្នែក​ក្រោយ) និង​មួយ​ផ្នែក​ទៀត (ប៊ូតុង Home) ចម្លង​ពី Galaxy របស់ Samsung។

ខាង​ក្រោម​ជា​លក្ខណៈ​បច្ចេកទេស​ខ្លះ​របស់ HTC One A9៖

-អេក្រង់៖ ៥អ៊ីញ និង Resolution កម្រិត 1080 x 1920 pixels -បណ្ដោយ xទទឹងxកម្រាស់៖ 145.8 ម.ម x 70.8ម.ម x 7.3 ម.ម -កញ្ចក់៖ Corning Gorilla Glass 4 -កាមេរ៉ា៖ ក្រោយ 13MP (មាន​បច្ចេកវិទ្យា​ទប់​លំនឹង OIS) ហ្រ្លាស់ ២គ្រាប់ និង​កាមេរ៉ា​មុខ 4MP -មេម៉ូរី​និង​ RAM មាន​ពីរ​ជម្រើស៖ 16GB, RAM 2GB និង 32GB, RAM 3GB -ប្រព័ន្ធ​ប្រតិបត្តិការ៖ Android v6.0 (Marshmallow) -ថ្ម៖ ប្រភេទ Li-Ion មាន​ថាមពល 2150 mAh (ថ្ម​មិន​អាច​ដោះ​បាន) -ពណ៌៖ ប្រផេះ ប្រាក់ ក្រហម​ក្រមៅ និង​ពណ៌​មាស៕

អត្ថបទ៖ ប៉ែត ផាន់និត